“Azərenerji”dən yanğınla bağlı XƏBƏRDARLIQ
17:33 04 Avqust 2018
Avqustun 4-də gecə saatlarında yenidən enerjisistemin təhlükəsiz fəaliyyəti üçün mühüm rola malik olan 330 kV-luq 1-ci Abşeron və 500 kV-luq 2-ci Abşeron elektrik verilişi xətlərinin mühafizə zolağının Göyçay rayonunun Qarayazı kəndi ərazisindən keçən hissəsində yanğın baş verib.
Femida.az xəbər verir ki, bu barədə “Azərenerji” ASC-nin yaydığı məlumatda bildirilib.
Qeyd olunub ki, “Azərenerji” ASC-nin Mərkəzi Dispetçer Məntəqəsinin çevik reaksiyası və qabaqlayıcı tədbirləri nəticəsində ölkədə elektrik enerjisi təminatında heç bir problem və fasilə yaranmayıb. Lakin belə hadisələr ümumilikdə enerji infrastrukturuna ziyan vurur, sistemin dayanıqlılığını pozur və ciddi fəsadlar törədir.
Qeyd edək ki, bundan əvvəl belə hadisələr bir sıra problemlərə səbəb olub. Belə ki, avqust ayının 2-də Ağsu rayonunun Ağsu aşırımı adlanan ərazisində sözügedən hava xətlərinin altında törədilmiş yanğın enerjisistemin normal iş fəaliyyətində ciddi problem yaradıb. O cümlədən, iyul ayının 12-də 15-30 radələrində Mingəçevir şəhərindən 151 km məsafədə yerləşən Ağsu rayonunun Bico kəndində və Yevlax rayonunun Xanabad kəndindən 20 km məsafədə eyni vaxtda hava elektrik verilişi xətlərinin yerləşdiyi ərazilərdə genişmiqyaslı yanğın baş verib.
Baş vermiş yanğın elektrik enerjisinin ötürülməsi sistemində qəzaya gətirib çıxarıb. “Azərenerji” ASC-nin personalının operativ yanaşması ilə elektrik enerjisi təminatında problemin yaranmasına imkan verilməyib.
Əhalidən diqqətli davranmağı və bu məsələdə vətəndaş mövqeyi nümayiş etdirərək, ölkə üçün həyati vacib əhəmiyyət kəsb edən enerjisistemin infrastruktur obyektlərinin mühafizəsində yaxından iştirak etmələrini xahiş edirik.
Femida.az
Oxunub: 1174
Oxşar xəbərlər
- "Azərenerji"nin sədri Qarabağdakı işlərlə bağlı Prezidentə məlumat verdi
- “Azərenerji” 746 min manatlıq tenderə yekun vurub
- “Azərenerji” Suqovuşanda kiçik su elektrik stansiyalarının təmirinə başladı
- “Azərişıq” və “Azərenerji” rəhbərliyi cəbhə xəttində
- “Azərenerji”nin işçisini cərəyan vuraraq öldürüb
- Prezident yenidən qurulan yarımstansiyasının açılışını etdi - Fotolar
- Prezident “Azərenerji”nin yenidən qurulan kompleksinin açılışında iştirak edib
- “Azərenerji”dən Koronavirusla Mübarizəyə 1 milyon manatlıq dəstək
- "Azərenerji"dən "qəza" açıqlaması
- “Azərişığ”ın yeni sədri: “Azərenerji”yə ödənişlər 100% təmin edilib”