Alimlər dişi kariyesdən qoruyan nanohissəciklər yaradıblar
21:42 04 Avqust 2018
ABŞ-dan olan kimyaçı alimlər diş ərpi və daşının yaranmasına səbəb olan mikrob təbəqəsini əridə bilən nanomaterial düzəldiblər. Femida.az AZƏRTAC-a istinadən bildirir ki, onların tədqiqatının nəticələri "Nature Communications" jurnalında dərc edilib.
Pensilvaniya Universitetindən (Filadelfiya, ABŞ) Xyun Ku və onun həmkarları orqanizmdə dəmir çatışmazlığına qarşı mübarizə məqsədilə yaradılmış nanohissəciklərlə eksperiment apararkən təsadüfən diş daşını və onunla əlaqəli streptokok biotəbəqəni təmizləməyin effektiv yolunu kəşf ediblər. Onlar diqqət yetiriblər ki, bu preparat turşu mühitinə düşərkən daha çox hidrogen-peroksid ayırmağa başlayır. Ku və onun həmkarları xatırlayıblar ki, oxşar mühit kariyes yaradan mikrobların olduğu diş daşında və ərpində də mövcuddur.
Bu ideyanı rəhbər tutan alimlər könüllülərin diş daşından nümunələr götürərək nanohissəciklərin onlara təsirini öyrəniblər. İlk təcrübə göstərib ki, bu cür "diş tozu" diş ərpini tez dağıdıb və mikrobları öldürüb.
Ku və onun komandası nanohissəcikləri "kariyes ştammı" ilə yoluxdurulmuş bir neçə siçovul üzərində sınaqdan keçiriblər. Nanohissəciklər siçovulların dişində ərp yaranmasının qarşısını alıb. Onlarda kariyes yaranmayıb və diş emalı zədələnməyib.
Kunun fikrincə, bu cür nanohissəcikləri diş pastasına, yaxud kariyesə qarşı məhlullara əlavə etmək olar. İlk klinik sınaqlara hazırlaşan alimlər ümidvardırlar ki, diş daşına qarşı bu mübarizə metodunun insan orqanizminə təhlükəsiz olmasını sübut edə biləcəklər.
Oxunub: 383
Oxşar xəbərlər
- Alimlər 70 ildən sonra Yerə yaxınlaşacaq asteroid kəşf ediblər
- Alimlər "omikron"un insana daha bir mənfi təsirini aşkarlayıblar
- Alimlər koronavirusla mübarizədə kömək edə biləcək gözlənilməz vasitəni aşkarlayıblar
- Alimlər peyvənd edilmiş insanların da delta ştamını yaydığını üzə çıxarıblar
- Alimlər dözülməz istilərin yaxınlaşması ilə bağlı xəbərdarlıq ediblər
- Alimlər koronavirusun uzunmüddətli fəsadlarını aşkarlayıblar
- Alimlər koronavirusun sağlamlıq üçün daha bir təhlükəsini müəyyənləşdiriblər
- Alimlər: Koronavirusa yoluxmuş uşaqlarda insult inkişaf edə bilər
- Alimlər: Dünyada koronavirusdan da təhlükəli pandemiya olacaq
- Alimlər COVID-19 ilə mübarizə üçün effektiv maddə əldə edib