Törədilən yanğınlarla bağlı 7 cinayət işi açılıb - Nazirlik


14:50     10 Avqust 2018 mese_yangini_036.jpg

Xəbər verdiyimiz kimi, biçilmiş əkin sahələrində, meşələrdə və yüksək gərginlikli elektrik xətlərinin keçdiyi ərazilərdə yanğın törətdiklərinə görə 15 nəfər inzibati qaydada həbs edilib, 17 nəfər barəsində isə inzibati xəta haqqında protokol tərtib olunub.


Femida.az “Haqqin.az”a istinadən bildirir ki, Daxili İşlər Nazirliyi (DİN) qeyd olunan ərazilərə baş verən yanğın faktları üzrə hərtərəfli istintaq aparır, günahkarların məsuliyyətə cəlb olunması istiqamətində bütün müvafiq tədbirlər həyata keçirir. Bununla bərabər, əkin sahələrində və meşə fonduna daxil olan torpaqlarda, o cümlədən səhra zonalarındakı yanğın faktları üzrə 7 cinayət işi açılıb. Onlardan 5-i elektrik xətlərinin keçdiyi ərazilərə yaxın yerlərdə baş verən yanğın faktları üzrə açılıb.

DİN həmçinin bildirib ki, qəsdən və ya bilməyərəkdən yanğın törədilməsində iştirak edən şəxslər yanğın təhlükəsizliyi norma və qaydalarının pozulmasına görə cinayət cəzalarının sərtliyi və qaçılmazlığını tam dərk etməlidirlər. Bununla yanaşı, kənd-təsərrüfatı fəaliyyəti ilə məşğul olan subyektlər məsuliyyət daşımaqla bərabər onu da bilməlidirlər ki, əkin sahələrində yanğın törədilməsi torpağın məhsuldarlığına ciddi ziyan vuraraq onun bioloji balansının pozur.

Qeyd edək ki, ötən il İnzibati Xətalar Məcəlləsində edilmiş dəyişikliyə əsasən əkin sahələrinin yandırılmasına qarşı cəzalar sərtləşdirilib. Əkin yerlərinin yandırılmasına görə fiziki şəxsləri 400 manatdan 600 manata qədər, vəzifəli şəxsləri 1 500 manatdan 2 000 manata qədər, hüquqi şəxslər isə 5 000 manatdan 6 000 manata qədər cərimə cəzası gözləyir.


Femida.az

Açar sözlər:

Oxunub: 227


Oxşar xəbərlər