Sürücülərə qarşı reyd keçirilib
20:29 12 Avqust 2018
Daşkəsən Rayon Polis Şöbəsinin dövlət yol polisi bölməsi və 12 saylı Ərazi Ekologiya və Təbii Sərvətlər şöbəsinin əməkdaşlarının birgə təşkilatçılığı ilə ölkəmizdə keçirilən "Təmiz hava" aylığı çərçivəsində Daşkəsən rayonunda nəqliyyatın sıx olduğu yerlərdə reyd keçirilib.
DİN-in Mətbuat Xidmətinin Gəncə regional qrupundan Femida.az-a verilən məlumata görə, bu cür reydlərin keçirilməsində məqsəd avtomobillərin ixrac qazlarının tərkibində olan zərərli maddələrin atmosferi çirkləndirməsinin qarşısını almaqdır.
Rayonun müxtəlif ərazilərində təşkil olunan reyd zamanı yol polisi və ETSN-in əməkdaşları sürücülərin bir daha diqqətinə çatdırıblar ki, istifadələrində olan avtomobillərin yanacaq sistemini tənzimləməklə onları saz vəziyyətə gətirməli və ixrac qazlarının tərkibinin normalara uyğunlaşdırılmasını təmin etdikdən sonra istismarına yol verməlidirlər.
Bununla yanaşı dəfələrlə maarifləndirici işlər, qanunamüvafiq digər tədbirlər görülməsinə baxmayaraq, reyd zamanı sürücülük hüququ olmadan avtomobil idarə edərək həm nəqliyyatın həm də piyadaların hərəkəti üçün təhlükə törədən sürücülər aşkarlanıb. Eyni zamanda sərnişindaşıma və digər kobud qayda pozuntularına yol verən sürücülər də müəyyən edilərək barələrində protokol tərtib edilib. Dövlət Yol Polisi və ETSN-in birgə təşkilatçılığı ilə keçirilən "Təmiz hava" aylığı aksiyası avqustun 31-dək davam edəcək.
Femida.az
Oxunub: 274
Oxşar xəbərlər
- Sürücülərə vacib xəbər - 40 manat cərimə oluna bilərsiniz - VİDEO
- Sürücülərə qarşı dələduzluq edən 18 yaşlı qız tutuldu
- Sürücülərə 40 manatlıq CƏRİMƏ XƏBƏRDARLIĞI
- Sürücülərə ixtisas sinfinin verilmə qaydası dəyişib
- Sürücülərə müraciət
- Sürücülərə xəbərdarlıq: Bu yerlərdə maşın saxlamayın!
- Sürücülərə taxoqraf sistemi ilə nəzarət olunacaq
- Sürücülərə xəbərdarlıq olunur
- Sürücülərə xəbərdarlıq olunur - Burdan keçməyin!
- Sürücülərə yeni cəzalar gəlir: bunu edənlər 50 manat CƏRİMƏLƏNƏCƏK