Milli Qəhrəmanın doğum günüdür
13:55 20 Avqust 2018
Bu gün Milli Qəhrəman Fazil Mehdiyevin doğum günüdür.
Femida.az
-ın məlumatına görə, Fazil Umud oğlu Mehdiyev 20 avqust 1966-cı ildə Laçın rayonunun Ələkçi kəndində anadan olub. O, körpə olarkən ailəsi Ağdamın Abdal Gülablı kəndinə köçüb. 1983-cü ildə məktəbi burada bitirib. 1984-1986-cı illərdə hərbi xidmətdə olub.
Qarabağda baş verən hadisələr Fazil Mehdiyevi narahat edirdi. O, 1990-cı ildə Ağdam rayon Daxili İşlər Şöbəsində yaradılmış polis batalyonuna yazılır. Tezliklə onun səsi ən qaynar döyüş meydanlarından eşidildi. 1991-ci ildə Qaradağlı kəndində ağır yaralanan Fazil sağalan kimi cəbhəyə qayıdır. O, 1991-ci ilin avqust ayında erməni işğalçılarına məxsus “Niva” markalı avtomobili ələ keçirib polis idarəsinə təhvil verir.
1991-ci il sentyabrın 23-dən 24-ə keçən gecə ermənilər Abdal Gülablı kəndinə hücum edirlər. Fazil dostu Salehlə maşına minib döyüşə tələsir. Ağdama gələn yolda pusqu quran ermənilər onları atəşə tuturlar və Fazil bu döyüşdə şəhid olur.
Azərbaycan Respublikası Prezidentinin 8 oktyabr 1992-ci il tarixli 264 saylı fərmanı ilə Mehdiyev Fazil Umud oğluna ölümündən sonra Azərbaycanın Milli Qəhrəmanı adı verilib.
Ağdam rayonunun “Qarağacı” qəbristanlığında dəfn edilib. Bakının Nəsimi rayonunda büstü qoyulub, Səbail rayonunda isə adına küçə var.
Femida.az
Oxunub: 256
Oxşar xəbərlər
- Milli Qəhrəman, şəhid general-mayor Polad Həşimovun doğum günüdür
- 37 məktəb və liseyə Milli Qəhrəman və Vətən Müharibəsi Qəhrəmanlarının adı verilib
- Gədəbəydə Milli Qəhrəman Məzahir Rüstəmovun xatirəsi anılıb
- Biləsuvarda Milli Qəhrəman Mübariz İbrahimovun xatirəsi anılıb
- Milli Qəhrəmanın oğlu nazirlikdəki işindən ayrıldı
- Milli Qəhrəman Mübariz İbrahimovun xarirəsi yad edilib - FOTO
- Milli Qəhrəman Mirəsgər Seyidovun doğum günüdür
- Milli Qəhrəman Polad Həşimovun doğum günüdür
- Milli Qəhrəmanlara verilən təqaüd artırıldı
- Bakıda 166 məktəb Milli Qəhrəman və şəhid adını daşıyır