Elbrus dağında 31 il əvvəl ölmüş alpinistin meyiti tapılıb

Elbrus dağında 31 il əvvəl ölmüş alpinistin meyiti tapılıb


23:15     25 Avqust 2018 alpinist5.jpg

Elbrus dağında təqribən 31 il əvvəl yüksəkliyə dırmanma zamanı öldüyü ehtimal edilən qadın alpinistin meyiti aşkar edilib.

Bu barədə Rusiya Fövqəladə Hallar Nazirliyinin Kabardin-Balkar və Qaraçay-Çərkəz Respublikası üzrə Baş İdarəsinin mətbuat xidməti məlumat yayıb.

"Qadının meyitini Elbrusa dırmanan bir qrup turist təqribən 4000 metr yüksəklikdə tapıb və bu barədə xilasedicilərə məlumat verib. İlkn məlumatlara görə, alpinist 31 il əvvəl yüksəkliyə dırmanan zaman ölüb. Meyit təxliyyə olunub", - deyə idarədən bildirilib.

Qeyd olunub ki, hələ 1987-ci ildə həmin yerdə qar uçqunu səbəbindən 7 nəfərdən ibarət alpinist qrupu həlak olub, o zaman onların meyitlərinin axtarışı uğursuzluqla nəticələnib.

Tapılan meyit Leninqrad sakini 1951-ci il təvəllüdlü Yelena Konstantinovna Bazıkinaya məxsus olub. (Report)

Açar sözlər:

Oxunub: 93


Oxşar xəbərlər