İrandakı toz fırtınası Azərbaycana təsir edəcək?
18:55 27 Avqust 2018
İranın cənub-şərq əyalətini əhatə edən toz fırtınasının Azərbaycana təsiri gözlənilmir.
Femida.az xəbər verir ki, Ekologiya və Təbii Sərvətlər Nazirliyinin Ekoloji maarifləndirmə və ictimaiyyətlə əlaqələr şöbəsinin müdiri Umayra Tağıyevanın Trend-ə verdiyi məlumata görə, peyk məlumatların və sinoptik xəritələrin təhlilinə görə hazırda ölkə ərazisi üzərində troposferin aşağı və orta təbəqələrində hava kütlələrinin qərb və şimal-qərb axınları bərqarar olunub. Belə sinoptik şəraitin yaxın iki gün ərzində davam edəcəyi proqnozlaşdırılır. Buna görə də toz fırtınası ölkəmizə təsir etməyəcək:
"Qeyd etməliyik ki, adətən toz fırtınalarının davamiyyəti 4 gündən artıq olmur və İranın cənubunda onların təkrarlanması əsasən sentyabrdan aprelə qədər müşahidə olunur.
Toz fırtınasının baş verməsi üçün ən əlverişli ərazi Fars körfəzi ilə bitişik düzən ərazilərdir. Buna termobarik şərait, güclü külək və torpağın vəziyyəti təsir edir".
Femida.az
Oxunub: 231
Oxşar xəbərlər
- İrandakı soydaşlarımız Ermənistana gedən hərbi yüklərin qarşısını kəsərək yandırıb
- İrandakı terrorun arxasında kim dayanır? - Xamanei açıqladı
- İrandakı terrorda ölənlərin sayı 28-ə çatıb
- İrandakı yeganə Azərbaycan təmsilçisi olan klub satılır
- İrandakı qəzada ölənlər arasında azərbaycanlı varmı? - XİN-dən AÇIQLAMA