Prezidentin Gəncəyə başçı təyin etdiyi Qarabağ qazisinin DOSYESİ
19:58 28 Avqust 2018
Xəbər verdiyimiz kimi, prezident İlham Əliyev Niyazi Müzəffər oğlu Bayramovun Mingəçevir Şəhər İcra Hakimiyyətinin başçısı vəzifəsindən azad edilməsi barədə Sərəncam imzalayıb.
Femida.az xəbər verir ki, dövlət başçısının digər Sərəncamı ilə Niyazi Bayramov Gəncə Şəhər İcra Hakimiyyətinin başçısı təyin edilib.
Qeyd edək ki, Niyazi Müzəffər oğlu Bayramov 1956-cı il martın 26-da Bakı şəhərində anadan olub. 1980-ci ildə Bakı Dövlət Universitetini bitirib, ixtisasca hüquqşünasdır. 1980-1986-cı illərdə Azərbaycan Respublikasının Vəkillər Kollegiyasının üzvü kimi 4 saylı Hüquq məsləhətxanasında vəkil işləyib. 1986-1992-ci illərdə Səbail Rayon İcra Hakimiyyətində Şöbə Müdiri, 1992-1995-ci illərdə Səbail Rayon İcra Hakimiyyəti Başçısının Müavini vəzifələrində çalışıb.
1995-1997-ci illərdə Azərbaycan Respublikası Dövlət Gömrük Komitəsinin sədri yanında İnspeksiyanın Rəisi, 1997-2001-ci illərdə Gəncə Şəhər Gömrük İdarəsinin Rəisi, Dövlət Gömrük Komitəsində Baş İdarə Rəisinin Müavini işləmişdir. 2009-2012-ci illərdə Azərbaycan Respublikası Fövqəladə Hallar Nazirliyinin Qarabağ Regional Mərkəzinin, 2012-ci ildə Sumqayıt Regional Mərkəzinin rəisi vəzifələrində işləyib.
Azərbaycan Respublikası Prezidentinin 14 aprel 2012-ci il tarixli 2173 nömrəli Sərəncamı ilə Mingəçevir Şəhər İcra Hakimiyyətinin Başçısı vəzifəsinə təyin edilib. Niyazi Bayramov Yeni Azərbaycan Partiyasının üzvüdür, Qarabağ müharibə iştirakçısıdır, polkovnikdir.
Ailəlidir, 2 övladı var.
Femida.az
Oxunub: 703
Oxşar xəbərlər
- Cəlilabadın icra başçısının müavini işdən çıxarılıb
- Kürdəmirin sabiq icra başçısı və digər vəzifəli şəxslərin cəzası azaldılıb
- Prokuror Cəlilabadın sabiq icra başçısına 13 il həbs cəzası istəyib
- Sabiq icra başçısı Saleh Rüstəmov əfv edilib
- Həbsdə olan icra başçısının tenderlərdən əldə etdiyi vəsaitlər məlum olub
- Kürdəmirin sabiq icra başçısının rüşvət aldığı epizodların bəziləri məlum olub - SİYAHI
- Kürdəmirin sabiq icra başçısının müsadirə edilən əmlakları məlum olub - SİYAHI
- Ukraynada döyüşən azərbaycanlı bacılar kimdir? – Ataları Azərbaycanda icra başçısı olub
- Həbsdə olan sabiq icra başçısının kassasiya şikayəti icraata götürülüb
- Prokuror həbsdə olan keçmiş icra başçısına 12 il həbs cəza istəyib