Ordumuzun səmti müəyyənetmə yarışları başa çatdı
17:31 03 Sentyabr 2018
Müdafiə naziri, general-polkovnik Zakir Həsənovun Azərbaycan Ordusunda idman yarışlarının keçirilməsinə dair illik əmrinə əsasən, hərbi qulluqçular arasında təşkil olunan növbəti səmti müəyyənetmə yarışları başa çatıb.
Müdafiə Nazirliyindən Femida.az-a verilən məlumata görə, ayrı-ayrı qoşun növləri və xidmət sahələrindən yarışlara cəlb edilən komandalar ərazidə səmti müəyyən etmək bacarıqlarını sınayaraq fərdi, qrup və patrul hərəkəti üzrə birincilik uğrunda mübarizə aparıblar.
Yarışların yekunlarına əsasən keçirilən mükafatladırma mərasimi xalqımızın ümummilli lideri Heydər Əliyevin və şəhidlərin xatirəsinin yad edilməsi, Dövlət himninin səsləndirilməsi ilə başlayıb.
Mərasimdə çıxış edən polkovnik Sadiq Paşayev bu yarışların hərbi qulluqçuların fiziki cəhətdən möhkəm və güclü olmaları baxımından əhəmiyyətindən danışıb.
Yekun nəticələrə əsasən, Bakı yığma komandası qalib gələrək yarışın kubokunu qazanıb. Hərbi Hava Qüvvələrinin "N" hərbi hissəsi ikinci, Beyləqan yığma komandası isə üçüncü yerə layiq görülüb.
Fərdi şəkildə qadın hərbi qulluqçular arasında əsgər Pərvanə Heydərova birinci, çavuş Məryəm Məhərrəmova ikinci, mayor Cəmilə İrəfiyeva üçüncü, kişi hərbi qulluqçular arasında isə kiçik çavuş Dair Cumartov birinci, kiçik çavuş Şabud Şabudov ikinci, gizir Sahil Həşimov üçüncü yerə layiq görülüblər.
Yarışın qalibləri fəxri fərman və medallarla təltif olunublar.
Femida.az
Oxunub: 194
Oxşar xəbərlər
- Ordumuzun mövqeləri atəşə tutulub
- Ordumuzun mövqeləri atəşə tutulub
- Ordumuzun mövqeləri atəşə tutulub
- Ordumuzun müasir texnika ilə təchizatına pul ayrılacaq
- Ordumuzun təlimləri bu cür iadarə olunur - VİDEO
- Ordumuzun PUA-lardan uğurlu istifadəsi dünya sərgilərinin mövzusunu dəyişdi
- Ordumuzun məhv etdiyi düşmən texnikalarının nömrələrindən ibarət lövhə hazırlanıb
- Ordumuzun əks-hücum əməliyyatları davam edir - Düşmən çoxlu sayda itki verib
- Ordumuzun əks-həmlə əməliyyatı uğurla davam edir
- Ordumuzun döyüş hazırlığından yeni görüntülər - VİDEO