Səyyar formada məşğulluq xidmətləri göstərilib
23:39 04 Sentyabr 2018
Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin Binəqədi rayon Məşğulluq Mərkəzi müvafiq texniki avadanlıqlarla təmin edilmiş xüsusi nəqliyyat vasitəsindən istifadə olunmaqla “Səyyar məşğulluq xidmətləri” adı altında tədbir təşkil edib.
Nazirliyin ictimaiyyətlə əlaqələr şöbəsindən Femida.az-a verilən məlumata görə, rayonun qaçqın və məcburi köçkünlərin sıx məskunlaşdığı ərazisində (7-ci mikrarayon, A.Kunanbayev küçəsi, 7 A) yerli əhaliyə məşğulluq xidmətləri və aktiv əmək bazarı proqramları, o cümlədən özünüməşğulluq proqramı, peşə hazırlığı kurslarının təşkili, habelə mövcud vakansiyalar barədə məlumat verilib.
Müraciət edən işaxtaran vətəndaşlardan 21 nəfərə işləmək istədikləri və əmək qabiliyyətlərinə uyğun vakant iş yerlərinə yerindəcə göndərişlər verilib.
Sosial cəhətdən həssas qruplardan olan ayrı-ayrı şəxslərlə fərdi qaydada söhbətlər aparılıb. Onlardan hazırda işləməyən və kiçik ailə biznesini yaratmaq üçün potensialları olan 10 nəfər müəyyən edilib və özünüməşğulluq proqramına cəlb edilmələri üçün qeydiyyata götürülüblər. İxtisası və peşəsi olmayan, buna görə işə düzəlməkdə çətinlik çəkən 12 nəfər üçün peşələrə yiyələnmək istəkləri nəzərə alınmaqla, peşə hazırlığı kurslarının təşkil edilməsi qərara alınıb.
Oxunub: 209
Oxşar xəbərlər
- Şəkidə fermerlərə səyyar xidmət göstərilməsinə başlanılıb
- Məktəblərdə səyyar vaksinasiya məntəqələri bərpa edilib
- Bakıda səyyar avtobus məntəqələrində peyvəndlənməyə başlanılıb
- Ağstafa Rayon Polis Şöbəsi səyyar xidmət keçirib
- Ağstafa Rayon Polis Şöbəsi səyyar xidmət keçirib
- Mənzillər üçün növbəti səyyar sənəd qəbulu bu ünvanlarda keçiriləcək
- Döyüşlərdə iştirak edən qoşunlar üçün səyyar təminat məntəqələri yaradılıb
- Bakıda növbəti səyyar sənəd qəbulu keçiriləcək
- Bakıda mənzillərin qeydiyyatı üçün növbəti səyyar sənəd qəbulu keçiriləcək
- Notariat ofisinə gedə bilməyən vətəndaşlara evində səyyar xidmət göstərilir