Azərbaycan millisi Millətlər Liqasında ikinci oyununa çıxır
13:06 10 Sentyabr 2018
Bu gün Azərbaycan millisi UEFA Millətlər Liqasında ikinci oyununu keçirəcək.
Femida.az xəbər verir ki, Qurban Qurbanovun rəhbərlik etdiyi kollektiv Ta Qali Milli stadionunda Malta yığmasının qonağı olacaq.
Görüş Bakı vaxtı ilə saat 22:45-də başlayacaq.
D liqasının III qrupunda yer alan komandalar ilk matçlarda fərqli nəticələr göstəriblər. Meydan sahibləri səfərdə Farer adalarına 1:3 hesabı ilə uduzubsa, qonaqlar Bakıda Kosovo yığması ilə heç-heçə edib – 0:0.
Malta və Azərbaycan komandaları indiyə qədər 6 dəfə qarşılaşıblar. 1994, 2000 və 2002-ci illərdə baş tutan duellərdə “cırtdanlar” müvafiq olaraq, 5:0, 3:0 və 1:0 hesabları ilə qalib gəliblər. Bu görüşlərdən ikisi yoldaşlıq matçı olub, biri isə beynəlxalq turnirə təsadüf edib.
Milli 2013-cü ildə keçirilən yoldaşlıq oyununda tilsimi qıraraq 3:0 hesabı ilə qalib gəlib. 2016-cı il Avropa çempionatının seçmə mərhələsində Azərbaycanla eyni qrupda yer alan maltalılar Bakıda 2 cavabsız qolla uduzuduqları halda, evdə heç-heçə ediblər – 2:2.
Malta millisi bu il keçirdiyi 5 oyunun heç birində qələbə qazana bilməyib. Rəqib Farer adaları ilə yanaşı, yoldaşlıq matçlarında Lüksemburq (0:1), Finlandiya (0:5) və Gürcüstan (0:1) uduzub, Ermənistanla isə heç-heçə edib (1:1).
Ötən ilin noyabrında baş məşqçi təyin olunan Q.Qurbanov Kosovo ilə matçdan əlavə, komandanı 6 yoldaşlıq görüşünə çıxarıb. Moldova (0:0) və Makedoniya (1:1) ilə heç-heçə edən yığma, Belarusla (0:1) Qazaxıstana (0:3) uduzsa da, Qırğızıstan (3:0) və Latviyanı məğlub edib (3:1).
22:45. Malta – Azərbaycan
Baş hakim: Nikola Dabanoviç
Yan xətt hakimləri: Milutin Cukiç, Yovitsa Tatar
Dördüncü hakim: Aleksandar Cikanoviç
Əlavə köməkçi hakimlər: Milovan Milaçiç, Miloş Boşkoviç (hakimlər briqadası Montoneqrodandır)
Hakim-inspektor: Luk Vilymas (Lüksemburq)
UEFA nümayəndəsi: Qrem Hover (İngiltərə)
Malta. Ta Qali Milli stadionu
Femida.az
Oxunub: 331
Oxşar xəbərlər
- Samsung Neo QLED 8K ilə evinizə böyük futbolu gətirin (FOTOLAR)
- Azərbaycanda futbolçu faciəvi şəkildə öldü-FOTO
- Ukraynada 16 yaşlı futbolçu anası ilə birgə öldürülüb
- Ukraynada ölən futbolçuya qəhrəman adı verilib
- Azərbaycan bayrağını təhqir edən erməni futbolçulara cinayət işi açılıb
- Gənc futbolçu silah və narkotik saxladığı üçün həbs olunub
- Azərbaycan çempionatında futbolçular arasında kütləvi dava düşüb
- Komada olan erməni futbolçu ölüb
- Azərbaycanda veteran futbolçu vəfat edib
- Əfqanıstanlı futbolçu ölkəni tərk etmək istəyərkən vəfat edib