Metro qış qrafikinə keçdi - İnterval 2 dəqiqəyə endirildi
15:06 11 Sentyabr 2018
Bakı Metropoliteni metro stansiyalarında qatarların payız-qış mövsümünə keçidlə bağlı yeni qrafikini təsdiqləyib.
Bu barədə Femida.az-a Bakı Metropoliteni Qapalı Səhmdar Cəmiyyətinin Mətbuat xidmətinin rəhbəri Bəxtiyar Məmmədov məlumat verib.
Qurum rəsmisi bildirib ki, təsdiq edilən yeni qrafikə uyğun olaraq, qatarların hərəkəti sıxlaşdırılaraq, xətlərdəki qatarların sayı artırılacaq və interval azaldılacaq: "Payız-qış mövsümünün qrafikinə uyğun olaraq, iş günləri ərzində sərnişin hərəkətinin daha çox intensivləşdiyi səhər və axşamın gur saatlarında "Həzi Aslanov-28 May" və əksinə olmaqla qatarlar arasında interval 2 dəqiqə təşkil edəcək. Günün qalan vaxtlarında isə qeyd edilən sahədə hərəkət intervalı 2,5 dəqiqə, sərnişinlərin əsaslı şəkildə azaldığı axşamın gur saatlarından sonra qatarlar arasındakı fasilə 3 dəqiqə və daha çox olacaq. Bakı metropoliteni xətlərinin xüsusiyyətləri nəzərə alınaraq, xətlərin ayrıldığı "28 May" stansiyasından "Dərnəgül" və "İçərişəhər" istiqamətlərində və əksinə interval iki dəfə artıq olacaq. Onu da xüsusi qeyd edək ki, qatarların "Bakmil" stansiyasından xəttə daxilolma və ya "Nəriman Nərimanov" stansiyasından xətdən çıxarılıb, depoya yolasalınma ərəfəsində "Ulduz-Həzi Aslanov" sahəsində interval fərqi bir qədər arta bilər".
Qeyd edilən qrafik iş günlərini əhatə edir. İstirahət, o cümlədən qeyri-iş günlərində Bakı metropolitenində fərqli hərəkət qrafiki tətbiq olunur. Yeni qrafik 2019-cu ilin yay aylarına qədər qüvvədə olacaq.
Femida.az
Oxunub: 275
Oxşar xəbərlər
- Metroda küt alətlə insanları hədələyən şəxs saxlanılıb
- Metronun iş rejimi "Qarabağ"a görə uzadılıb
- Metrodakı yoxlanışlar nədən xəbər verir?
- Metroda qatarın hərəkəti ləngiyib
- Metronun üç stansiyasının iş vaxtı bir saat uzadılacaq
- Metroda "Sizinlə qürür duyuruq" layihəsi davam edir - FOTOLAR
- Metropoliten "28 May" stansiyasındakı tüstülənməyə aydınlıq gətirdi
- Metroda qatarların hərəkəti bərpa olunub
- Metroda daha bir koronavirus xəstəsi saxlanılıb
- Metroda aktiv koronavirus xəstəsi saxlanılıb