DGK: " Gömrük Orqanlarına 250 nəfər yeni işçi götürülüb "
14:58 12 Sentyabr 2018
Dövlət Gömrük Komitəsi tərəfindən "Gömrük Orqanlarında aparılan islahatlar və nəticələr" mövzusunda Mətbuat Konfransı keçirilib.
Femida.az xəbər verir ki, DGK sədri Səfər Mehdiyev ilin geridə qalan 8 ayında gömrük işində xeyli təkmilləşdirmələr aparılıb:
"Normada ayda böyük sərhəd keçid məntəqələrindən 6 min nəfər keçdiyi halda, yay aylarında bu rəqəm 17 minə yaxınlaşdı. Buna baxmayaraq, gömrük orqanları işin öhdəsindən layiqincə gəldi. 2 yeni baş idarə yaradıldı. Kadr çatışmazlığı aradan qaldırıldı. Təkcə hava nəqliyyatında gömrük orqanlarının əməkdaşları ay ərzində 1,5 milyon nəfərə xidmət göstərib ki, bu da indiyə qədər qeydə alınan rekord göstəricidir. "Sınıq Körpü" keçid məntəqəsində Avropa İttifaqı ilə birlikdə layihəmiz olan Ticarətin Asanlaşdırılması Mərkəzi yaxın zamanda istifadəyə veriləcək. Bu da yük maşınlarının keçidi zamanı yaranan sıxlığı aradan qaldıracaq.
Bundan başqa DGK bu ilin 8 ayında dövlət büdcəsinə 3 milyard 190 milyon manat köçürüb. Hansı ki, proqnozlaşdırılan rəqəm 2 milyard 430 milyon manat idi. Yəni qarşıya qoyulan tapşırıq təxminən 700 milyon manat artıqlaması ilə yerinə yetirilib. Gömrük Orqanlarına 250 nəfər yeni işçi götürülüb. 8 ay ərzində 6155 hüquq pozma faktı qeydə alınıb. Bunlardan 458-i cinayət xarakterli faktlar olub. Hüquqpozmalar zəminində 6 milyon manatdan çox məbləğ tutulub. Narkotik qaçaqmalçılığı ilə mübarizə çərçivəsində 150 fakt qeydə alınıb ki, bu əsnada 1 tondan çox narkotik maddə aşkar edilərək məhv olunub".
Amin Nəzərli
Femida.az
Oxunub: 389
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ceyhun Bayramov: “Müstəqilliyimizə dəstəyə görə qardaş Özbəkistana minnətdarıq”
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Ukrayna Baş Qərargahı: "Son sutkada Rusiyanın 44 tankı məhv edilib"
- BNA: "147 avtobusun hərəkət intervalında gecikmə var"
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- DİN: "Razılaşdırılmamış aksiyanın qarşısı alınacaq"
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Azərbaycan XİN: "Ermənistan bölgədə vəziyyəti gərginləşdirmək istəyir"