Nəqliyyat vasitəsinin özgəninkiləşdirilməsi və girov qoyulması qaydası dəyişdi

Nəqliyyat vasitəsinin özgəninkiləşdirilməsi və girov qoyulması qaydası dəyişdi


13:53     15 Sentyabr 2018 18_09_15_1536990813.jpg


Nazirlər Kabinetinin “Mexaniki nəqliyyat vasitələrinin və onların qoşqularının müəyyən edilmiş qaydada dövlət qeydiyyatından keçirilməsi və dövlət qeydiyyatı üzrə uçota alınması haqqında Əsasnamənin və Nəqliyyat vasitəsinin özgəninkiləşdirilməsi və girov qoyulması qaydasının təsdiq edilməsi barədə” qərarında dəyişikliklər edilib.

Femida.az xəbər verir ki, bu barədə qərarı Baş nazir Novruz Məmmədov imzalayıb.

Dəyişikliyə görə, nəqliyyat vasitəsinin sahibi nəqliyyat vasitəsinin qeydiyyata alınması və ya qeydiyyatdan çıxarılması zamanı süründürməçiliyə yol verilməsindən və yaxud onlardan imtina olunmasından inzibati qaydada və məhkəməyə şikayət edə bilər.

Digər dəyişikliyə əsasən, nəqliyyat vasitəsinin özgəninkiləşdirilməsi və girov qoyulmasını həyata keçirən orqanların qərarlarından və hərəkətlərindən (hərəkətsizliyindən) inzibati qaydada və məhkəməyə şikayət oluna bilər.

Femida.az

Açar sözlər: qanun   hüquq  

Oxunub: 5338