Miqrasiya Xidmətinin rəisi Serhan Aktoprakla görüşüb
14:52 15 Sentyabr 2018
Dövlət Miqrasiya Xidmətinin (DMX) rəisi Vüsal Hüseynov Beynəlxalq Miqrasiya Təşkilatının (BMqT) Azərbaycandakı nümayəndəliyinin rəhbəri Serhan Aktoprakla görüşüb.
DMX-nın mətbuat xidmətindən Femida.az-a bildiriblər ki, görüşdə qurumla BMqT-nin Azərbaycandakı nümayəndəliyi arasında əlaqələrin mövcud vəziyyəti və perspektivləri müzakirə olunub.
Vüsal Hüseynov xidmətin beynəlxalq tərəfdaş qurum olan BMqT ilə münasibətlərindən danışıb. Miqrasiya sahəsində qanunvericiliyin təkmilləşdirilməsi, xidmət istifadəçilərinin məmnunluğunun təmin edilməsi istiqamətində görülən işlər, şəffaflığın tam təmin olunması ilə bağlı konkret əməli addımlar barədə söhbət açıb. Xidmət rəisi bu gün ümumdünya kontekstində təhlükəsiz, nizamlı və tənzimlənən miqrasiya məsələsinin önəminə diqqət çəkib, humanist və nizamlı miqrasiyanın miqrantlar, habelə cəmiyyətlər üçün əhəmiyyətindən bəhs edib.
Sonra DMX ilə BMqT-nin həyata keçirdiyi birgə layihələr, onların icra vəziyyəti barədə geniş fikir mübadiləsi aparılıb. Hər iki qurumun ümumi maraq kəsb edən məsələlər üzrə əlaqələrinin perspektivlərinə diqqət çəkilib.
BMqT-nin Azərbaycandakı nümayəndəliyinin rəhbəri Serhan Aktoprak ölkəmizdə miqrasiya sahəsində görülən proqressiv işlərin ümumi nəticələrindən, DMX ilə səmərəli əməkdaşlıqdan razılıqlarını ifadə edib. Görüşdə qarşılıqlı maraq doğuran digər məsələlər barədə fikir mübadiləsi aparılıb.
Femida.az
Oxunub: 343
Oxşar xəbərlər
- Miqrasiya Xidmətinin rəisi vətəndaşların videoqəbulunu keçirdi
- Miqrasiya Xidmətinin iyul ayına olan statistik məlumatları
- Miqrasiya Xidmətinə üç ayda 22634 müraciət daxil olub
- Miqrasiya Xidməti əcnəbilərə və vətəndaşlığı olmayanlara müraciət edib
- Miqrasiya Xidmətinin rəisi Quido Ambroso ilə görüşdü
- Miqrasiya Xidmətinin rəisi canlı yayımda sualları cavablandırır - VİDEO
- Miqrasiya Xidmətinin rəisi illik hesabat verdi - VİDEO
- Miqrasiya Xidmətinin rəisi vətəndaşların videoqəbulunu keçirəcək
- Miqrasiya Xidməti Orduya 100 min manat ianə etdi
- Miqrasiya idarəçiliyi pandemiya sınağında - Vüsal Hüseynov yazır