Siyasətçilər 9 yaşlı qızı hədəf aldı - Himni oxumadığı üçün
17:30 15 Sentyabr 2018
9 yaşlı avstraliyalı qız Harper Nielsen himn çalınan zaman sayğı duruşunda durmadığına görə ictimaiyyətdə böyük qınaq obyektinə çevrilib.
Femida.az xəbər verir ki, cəmiyyət bu hərəkəti birmənalı qarşılamayıb. Bir çox siyasətçi də daxil olmaqla, insanlar qızın məktəbdən atılmasını tələb ediblər.
CNN-ə danışan Nilsen isə sayğı duruşuna keçməmə səbəbini belə izah edib:
"Bu himn yerli xalqa hörmətsizlikdir. Çünki həmin himn əsl Avstraliya xalqına aid deyil. O yalnız gəlmə ağ adamlara aid olunub. Burada yerli əhali 50 min il əvvəl yaşayıb. İndi burada yerlilər çox azdır. Avstraliyanın əsl sakinləri ümumi ölkə əhalisinin cəmi 2 faizi qədərdir. Həmin 2 faizin yaşayış səviyyəsi isə digərlərindən çox aşağıdır".
Ölkənin sağçı senatoru Paulin Hanson bu hadisədən sonra deyib ki, Avstraliyada məktəblər beyin yumaqla məşğuldur:
"Həmin uşaq məktəbdən xaric olunmalıdır. Biz burada bir xalqıq. Yerli əhali də bizim bir parçamızdır. Bu uşaq səhv yoldadır, buna görə onun valideynlərini günahlandırıram".
Avstraliyanın sabiq baş naziri Toni Abot isə "himni oxumaq sadəcə dəstəkləmək üçün yaxşı əxlaq və nəzakətdir" deyərək etiraz edib. Siyasətçi Yarod Bley isə daha sərt sözlər işlədib:
"Valideynləri o qızı siyasi bir oyuncaq olaraq istifadə etməsinə görə utanmalıdırlar. Axmaq etirazı dayandırın, qalxın və himninizi qürurla oxuyun. Himn müddətində əyləşmək Avstraliyalı veteranlara hörmətsizlikdir”.
CNN-ə danışan Harperin atası Mark Nielsen isə qızının etirazından qürur duyduğunu söyləyib:
"Əvvəlcə həyəcanlandım. Qızımın bu yaşda bu düşüncələrdə olmasından inanılmaz dərəcədə qürur duyuruq. Ölkənin yerli əhalisi də daxil olmaqla, bir çox müsbət reaksiyalar alırıq. Lakin bəzən nifrət məktubları da göndərirlər. İnsanlar istədiklərini söyləməkdə azaddır. Qızım yaşına görə zəif fikirli görünə bilər, amma yenə də özünü ifadə etmək azadlığı var".
Amin Nəzərli
Femida.az
Oxunub: 2745
Oxşar xəbərlər
- Avstraliya Rusiyadan qızıl idxalını qadağan edib
- Avstraliya Putin, Şoyqu və Lavrovun ölkəyə girişinə qadağa qoyub
- Avstraliyalı deputat Azərbaycan icmasını təbrik edib
- Avstraliyada erməni təxribatlarına qarşı etiraz aksiyası
- Ermənilər Avstraliyadakı səfirliyimizə qarşı vandalizm aktı törətdi
- Azərbaycan meşə yanğınlarına görə Avstraliyaya maliyyə yardımı etdi
- Prezident Avstraliyanın General-Qubernatorunu təbrik edib
- XİN Avstraliyaya başsağlığı verib
- Cüdoçumuz Avstraliyada gümüş medal qazanıb
- XİN-dən avstraliyalı rəsmilərin separatçılarla görüşünə MÜNASİBƏT