XI sinif şagirdi atasını niyə öldürüb? – Səbəb...
16:34 18 Sentyabr 2018
2 gün əvvəl Göygöl rayonunun Yeni Qızılca kəndində 17 yaşlı oğlanın atasını qətlə yetirməsi hadisəsi ilə bağlı bəzi məqamlar aydınlaşıb.
Femida.az publika.az-a istinadən xəbər verir ki, sentyabrın 16-na keçən gecə atası Ramil Quliyevi balta və bıçaqla öldürən Eşqin Quliyev bu günlərdə orta məktəbin 11-ci sinfinə gedəcəkmiş.
Yeni Qızılca kənd orta məktəbinin direktor müavini Səbinə Məmmədova bildirib ki, Eşqin müsbət xarakterli və məsuliyyətli şagird olub: "Çox ağıllı, tərbiyəli, yaxşı oxuyan şagird idi. Həm də davamiyyəti yaxşı idi, dərslərdə sonadək iştirak edirdi, müəllimləri də ondan çox razı idi. Kiçik bacısı da bizim məktəbdə oxuyur.
Bildiyimizə görə, atası Bakıda işləyirdi. Bir neçə dəfə məktəbə gəlib uşaqların təhsili ilə maraqlanmışdı, Bakıda olduğu üçün onlarla çox maraqlana bilmədiyini deyirdi. Hadisənin isə hansı səbəbdən baş verdiyini dəqiq bilmirik. Biz də camaat kimi deyilənləri eşitmişik”.
Qeyd edək ki, qətl hadisəsi ailə münaqişəsi zəminində baş verib. 17 yaşlı Eşqin Quliyev gecə saatlarında anasını döyən atası Ramil Quliyevə balta ilə zərbələr endirib. O, daha sonra atasına bıçaqla bir neçə zərbə endirib. 37 yaşlı R.Quliyev hadisə yerindəcə keçinib.
Hadisəni törədən E.Quliyev saxlanılıb, faktla bağlı cinayət işi açılıb.
Femida.az
Oxunub: 1761
Oxşar xəbərlər
- XİN Azərbaycanın hərbi cinayətlərdə ittiham olunmasına münasibət bildirib
- XİN: Ermənistanı beynəlxalq öhdəliklərə əməl etməyə çağırırıq
- XİN-də işə qəbul imtahanlarının nəticələri açıqlanıb
- Xidmətdə olan əsgər Bakıda necə avtoşluq edib? - Görün kimin oğlu imiş
- XİN Azərbaycanlıların Soyqırımı Günü ilə bağlı bəyanat yayıb
- XİN Eldar Həsənovdan 18,5 milyon manat tələb edir
- XİN-in sabiq vəzifəli şəxsi son söz üçün məhkəmədən vaxt istəyib
- XİN Azərbaycan İran
- XİN Bosniya və Herseqovinanı təbrik edib
- XİN-dən Dirçəliş Günü XİN-dən Dirçəliş Günü təbriki