Azərbaycan məktəbi bağlandı – Kəşfiyyatın tələbi ilə
15:15 20 Sentyabr 2018
Təbriz Məhkəməsi İranın Kəşfiyyat İşləri üzrə Nazirliyinin (ETTELAAT) diktəsi ilə “Ehsan” qeyri-intifai (qeyri-kommersiya) məktəbinin ləğv olunması barədə qərar çıxarıb.
Femida.az gunaz.tv-yə istinadən xəbər verir ki, məktəbdə oğlan şagirdləri təhsil alırmış.
Bu barədə Şərqi Azərbaycan Təhsil Şöbəsinin rəisi Cəfər Paşayi “İsna” xəbər agentliyinə danışıb.
“Təbrizin 4-cü məntəqəsində yerləşən “Ehsan” məktəbi məhkəmə tərəfindən ləğv edilib. Son 3 il ərzində bu məktəbin dosyelərinə təhlükəsizlik orqanlarında baxılırdı. Nəhayət ki, məktəbin fəaliyyəti məhkəmə hökmü ilə dayandırıldı”- deyə o bildirib.
Təhsil Şöbəsinin rəisi Ehsan məktəbində təhsil alan şagirdlərin digər məktəblərə köçürüləcəyi ilə bağlı qeyd edib ki, “məktəb ləğv edildikdən sonra şagirdlər təhsillərini davam etdirmək üçün Təhsil Nazirliyinin nəzarətində olan digər məktəblərə müraciət ediblər. Bu məqsədlə 5-ci məntəqənin bütün məktəblərində şagird qəbul etməyə hazırlıq işləri gedib. Artıq şagirdlərin əksəriyyəti yeni məktəblərdə qeydiyyata alınıb.”
Cəfər Paşayi Ettelaat İdarəsinin qəzəbinə tuş gəlməsin deyə məktəbin ləğv edilməsinə dair çıxarılan məhkəmə qərarı ilə bağlı geniş məlumat verməyib. O bildirib ki, “bu məsələnin təfərrüatı ilə bağlı danışmağı məsləhət görmürük.”
Qeyd edək ki, Güney Azərbaycandan olan milli fəallar isə məktəbin ETTEALAT İdarəsinin tələbi ilə bağlanmasını təsadüfi hesab etmirlər. Məktəbin müəllimləri və şagirdlərinin əksəriyyəti azərbaycanlı olub.
Femida.az
Oxunub: 2534
Oxşar xəbərlər
- Azərbaycan Ordusunun mövqeləri atəşə tutulub
- Azərbaycan Mərkəzi Bankı əhaliyə xəbərdarlıq edib
- Azərbaycanda hərbi xidmətə növbəti çağırış başlayıb
- Azərbaycan Prezidenti Bolqarıstana rəsmi səfərə gedib
- Azərbaycan Mərkəzi Bankının valyuta məzənnələri (27.09.2022)
- Azərbaycanda qızlar niyə yoxa çıxır? - Görün hardan tapılırlar
- Azərbaycan Ordusunun əsgəri vəfat edib
- Azərbaycanda hibrid avtomobillərin idxal və satışı daha 1 il vergidən azad ediləcək
- Azərbaycan Silahlı Qüvvələrinin daha 21 hərbçisi şəhid olub - SİYAHI
- Azərbaycan Mərkəzi Bankının valyuta məzənnələri (05.09.2022)