Binəli Yıldırım Azərbaycan dilində danışdı
15:28 21 Sentyabr 2018
Türkiyə Böyük Millət Məclisinin (TBMM) sədri Binəli Yıldırım Milli Məclisdə Azərbaycan parlamentinin 100 illiyi münasibətilə keçirilən təntənəli iclasda çıxış edib.
Femida.az xəbər verir ki, B.Yıldırım çıxışının ilk hissəsini Azərbaycan dilində edib.
Spiker bildirib: “Azadlığımız, gələcəyimiz, əmin-amanlığımız bir-birinə bağlıdır. Birlikdə ağlayar, birlikdə gülərik. Ümidlərimiz, xəyallarımız və ideallarımız eynidir. Eyni dildə danışırıq, fikirlərimiz eyni nöqtələrdə birləşir. Azərbaycanda soyuq olsa, biz üşüyərik. Azərbaycana soyuq dəysə, biz xəstələnərik. Biz əcnəbi dövlətlərin adlarını sayanda Azərbaycanı o kateqoriyaya daxil etmərik. Çünki Türkiyə Azərbaycandır, Azərbaycan isə Türkiyə".
Millət vəkili seçildiyi İzmirin Bakı ilə qardaşlaşmış şəhər olduğunu xatırladan B.Yıldırım özünü həm də Bakının millət vəkili saydığını, Azərbaycanı öz vətəni kimi qəbul etdiyini söyləyib.
İki dövlətin 100 il öncə tarix səhnəsindən silinməmək üçün böyük mübarizə apardığını xatırladan Yıldırım deyib: “Anadolu və Qafqazların hərc-mərc olduğu illər, iki dövlət üçün istiqlal illəri olub. Azərbaycanlı qardaşlarımız Cümhuriyyət təcrübəsi ilə 100 il əvvəl tanış olublar. Cümhuriyyətin əsas təməlindən biri xalqın iradəsinin idarəetməyə əks olunmasıdır. Azərbaycan Milli Məclisi bu mənada tarixi və hüquqi baxımdan önəmli rol oynayıb. Azərbaycanın bugünkü inkişafında Milli Məclisin inkar edilməz payı var".
Femida.az
Oxunub: 479
Oxşar xəbərlər
- Binəli Yıldırım Azərbaycan xalqına başsağlığı verib
- Binəli Yıldırım Şamaxıda olub
- Binəli Yıldırım “Zəfər” Yarmarkasında - FOTOLAR
- Binəli Yıldırım Prezident İlham Əliyevi təbrik edib
- Binəli Yıldırım: "Qarabağ məsələsində siz yerdən göyədək haqlısınız"
- Binəli Yıldırım Bakıya gəlib
- Binəli Yıldırım İmamoğlu ilə arasındakı səs fərqini açıqladı
- Binəli Yıldırıma verilən səslərin sayı 11 min artdı - İstanbulda yenidən sayım
- Binəli Yıldırım istefa verir
- Binəli Yıldırım İstanbulun meri ola bilər