Ermənistana keçən türk geri qaytarılır - Ərdoğan Paşinyana zəng etməyibmiş
13:51 22 Sentyabr 2018
Ermənistan sərhədini qanunsuz pozduğuna görə 2 aydır həbsxanada olan Türkiyə vətəndaşı Umut Ali Özmen azadlığa buraxılacaq.
Femida.az Ermənistan mətbuatına istinadən xəbər verir ki, bu barədə onun atası danışıb:
"Əvvəl oğlumla danışdım. Həbs müddətinin daha 1 ay uzadıldığını dedi. Sonra Umutun vəkili ilə danışdım. O, oğlumun bazar ertəsi azad ediləcəyini söylədi. Bazar ertəsi Ermənistana gedəcəm, oğlumu götürüb gələcəm. Yardım edən hər kəsə təşəkkür edirəm”.
Qeyd edək ki, 24 iyulda qoyun otararkən yolunu azan və bilmədən Ermənistana keçən 16 yaşlı yeniyetmə üçün Türkiyə prezidenti Rəcəb Tayyib Ərdoğan Ermənistanın baş naziri Nikol Paşinyana zəng etmiş və qarşı tərəfdən müsbət cavab gəlmişdi. Lakin Ermənistan Xarici İşlər Nazirliyi bu məlumatı təkzib edib. Nazirliyin sözçüsü Tiqran Balayan Ərdoğandan zəng gəlmədiyini bildirib.
Eyni zamanda Paşinyan da Ərdoğanla danışması xəbərlərini yalanlamışdı: "Belə bir şey olmayıb. Heç kim, başda Türkiyə prezidenti olmaq üzrə heç bir liderlə gizli danışıqlar aparmayacaq. Hər hansı gizli addım atmayacağıq. Əgər bir görüş olsa ictimaiyyət xəbərdar ediləcək".
Amin Nəzərli
Femida.az
Oxunub: 3653
Oxşar xəbərlər
- Krım körpüsünü partladan yük maşını Ermənistana necə daxil olub?
- Belarus səfiri Ermənistan XİN-ə çağırılıb
- Azərbaycan XİN: "Ermənistan bölgədə vəziyyəti gərginləşdirmək istəyir"
- Hikmət Hacıyev Baydenin köməkçisi və Ermənistan TŞ-ın katibi ilə görüşüb
- XİN: Ermənistanı beynəlxalq öhdəliklərə əməl etməyə çağırırıq
- Zakir Həsənov Ermənistan tərəfindən törədilə biləcək istənilən təxribatın qarşısının alınması üçün tapşırıqlar verib
- Ermənistan tərəfindən açılan atəş nəticəsində Azərbaycanın üç hərbçisi yaralanıb
- Azərbaycan MN: "Ermənistan MN-in yaydığı məlumat tamamilə yalandır"
- Naxçıvanda Ermənistana məxsus PUA zərərsizləşdirilib
- Azərbaycan MN: "Ermənistan silahlı qüvvələrinin canlı qüvvəsi və texnikası böyük itkilər verərək geri çəkilib"