İraqda ilk dəfə qadın prezidentliyə namizədliyini irəli sürdü

20:30     23 Sentyabr 2018

İraqda Sirva Əbdülvahid adlı qadın prezidentliyə namizədliyini irəli sürüb.

Femida.az xəbər verir ki, kürd əsilli müstəqil namizəd Kürdüstan Demokrat Partiyası və Kürdüstan Yurdsevər Birliyinin siyasətini tənqid edib və onların ayrıseçkiliyə yol verdiyini dilə gətirib:

"İraqlı və kürd olmağımla qürur duyuram. Əvvəlcə iraqlı, daha sonra ərəb, kürd, türkmən, şiə, sünni olacağıma söz verirəm. Mən həmçinin İraq qadınını təmsil edirəm".

Əbdülvahid əvvəllər Qoran Partiyasının millət vəkili olub.

Qeyd edək ki, Sirva Əbdülvahid növbəti seçkilər üçün namizədliyini açıqlayan ilk qadın statusunu qazanıb.

Açar sözlər:

Oxunub: 2081