Bakı məktəbində faciəli ölüm - Çörək yeyən uşaq boğuldu


11:03     25 Sentyabr 2018 2018/09/1536558229_z2_1537859399.jpg

Bakı şəhəri, Sabunçu rayonu 67 saylı məktəbdə ikinci sinif şagirdi dünyasını dəyişib.


Femida.az unikal.org-a istinadən xəbər verir ki, hadisə tənəffüs zamanı yaşanıb.

Sözügedən məsələ ilə bağlı sözügedən sayta açıqlama verən məktəbin direktoru İradə İbrahimova bildirib ki, hadisə tənəffüs zamanı, uşaq yemək yeyərkən baş verib:

"Xəlilov Sabir Adil oğlu tənəffüsdə içərisində sosika olan çörək yeyirdi. Uşağın anginası var idi. Bu zaman müəlliminə yaxınlaşıb dedi ki, boğuluram. Uşağı təcili məktəbin tibb bacısının yanına gətirdik ki, kömək etsin. Bu an uşağın dili qatlandı və tibb bacısı dilini tutmağa çalışdı.

Tez təcili yardıma da zəng etdik. Təcili yardım gəlsə də uşağa heç nə edə bilmədilər. Təəssüflər olsun ki, azyaşlının həyatını xilas etmək mümkün olmadı. Artıq sözügedən hadisə ilə bağlı polis araşdırma aparılır. Onu da qeyd edim ki, bu uşaq 10 ildən sonra dünyaya gəlib".

Femida.az

Açar sözlər: #Məktəb   #Sabunçu   #Şagird   #Uşaq   #ölüm  

Oxunub: 4250