Baş nazirin qərarı Prezidentə təqdim olunacaq

Baş nazirin qərarı Prezidentə təqdim olunacaq


14:14     26 Sentyabr 2018 nazirler_kabineti.jpg

Nazirlər Kabinetinə təqdim olunan 2019-cu il üzrə dövlət büdcəsinin və icmal büdcənin layihələri və sonrakı üç il üçün icmal büdcənin göstəricilərinə müsbət rəy verilib. Qərarı baş nazir Novruz Məmmədov imzalayıb.

Nazirlər Kabinetinin qərarında deyilir ki, Maliyyə Nazirliyinin yeni büdcə qaydasına uyğun olaraq tərtib etdiyi "Azərbaycan Respublikasının 2019-cu il üzrə dövlət büdcəsinin və icmal büdcənin layihələri və sonrakı üç il üçün icmal büdcənin göstəriciləri" və İqtisadiyyat Nazirliyinin təqdim etdiyi "Azərbaycan Respublikasının 2019-cu il və gələn üç il üzrə iqtisadi və sosial inkişaf konsepsiyası və proqnoz göstəriciləri" bəyənilsin.

Bu sənədlər və "Büdcə sistemi haqqında" Azərbaycan Respublikası Qanununun 12-ci maddəsində nəzərdə tutulan müvafiq materiallar Azərbaycan Prezidentinə təqdim edilsin. / Sputnik

Femida.az

Açar sözlər:

Oxunub: 4405