Maşından 400 kq at əti tapıldı
16:28 29 Sentyabr 2018
26 sentyabr 2018-ci il tarixində saat 08:00 radələrində Azərbaycan Respublikasının Qida Təhlükəsizliyi Agentliyinə DİN-in Baş Dövlət Yol Polisi İdarəsindən (BDYPİ) daxil olmuş məlumat əsasında BDYPİ YPXA-nın Qaradağ rayonu ərazisində yerləşən postunda 28.11.1969-cu il təvəllüdlü Biləsuvar rayon Xirmandalı kənd sakini Əli İxtiyar oğlu Quliyevin idarə etdiyi “Mercedes Benz” markalı 10-DA-091 dövlət qeydiyyat nişanlı avtomobilə Qida Təhlükəsizliyi Agentliyi və Daxili İşlər Nazirliyinin əməkdaşları tərəfindən birgə baxış keçirilib.
Azərbaycan Qida Təhlükəsizliyi Agentliyindən Femida.az-a verilən xəbərə görə, baxış zamanı avtomobilin arxa yük saxlanc yerində təxmini çəkisi 400 kq-a yaxın yük kisələrində antisanitar şəraitdə, mənşəyinə və sağlamlığına dair heç bir sənədi olmayan, orqanoleptik cəhətdən normativlərə cavab verməyən, rəngi qaralmış, kəskin qoxusu olan, üzərində yapışqan selik əmələ gəlmiş sümüksüz ət aşkar olunaraq aidiyyəti tədbirlərin həyata keçirilməsi üçün götürülüb.
Qeyd olunub ki, aşkar edilən ətdən baytarlıq qanunvericiliyinə uyğun olaraq müvafiq nümunələr götürülərək müayinə məqsədilə Qida Təhlükəsizliyi Agentliyinin müvafiq laboratoriyasına təqdim edilib. Tədqiq (sınaq) nümunələrinin nəticələrinə əsasən müsadirə edilən ətin at əti olması məlum olub. Faktla bağlı araşdırmalar davam etdirilir.
Oxunub: 1282
Oxşar xəbərlər
- Maşından külli miqdarda pul oğurlandı
- Maşından 2 kq-dan artıq heroin götürüldü
- Maşından meyit tapıldı
- Maşından 3 qadın və 1 kişinin meyiti belə çıxarıldı (18+VİDEO)
- Maşından bank kartı oğurlayıb pul çıxardı
- Maşından 2000 manatlıq oğurluq olub
- Maşından oğurluq edən şəxslər tutulub
- Maşından “TT” markalı tapança çıxdı
- Maşından 14 min manat oğurlanıb
- Maşından yarım kilo heroin çıxdı