Ermənistanda 6 nazir vəzifədən qovuldu


09:04     03 Oktyabr 2018 2018/10/09-04-34-default_1538543168.jpg

Dünəndən etibarən siyasi gərginliyin yaşandığı işğalçı Ermənistanda 6 nazir vəzifəsindən azad edilib.
Femida.az news.am-a istinadən xəbər verir ki, bu barədə Ermənistan prezidenti Armen Sarkisyan fərman imzalayıb.

Məlumata görə, onlardan dördü “Çiçəklənən Ermənistan”, ikisi isə “Daşnaksütun” partiyasını təmsil edən nazirlərdir.

Həmin nazirlər aşağıdakılardır:

Nəqliyyat, rabitə və informasiya texnologiyaları naziri Aşot Akopyan (“Çiçəklənən Ermənistan”)

İdman və gənclərlə iş üzrə nazir Levon Vaqradyan (“Çiçəklənən Ermənistan”)

Fövqəladə hallar naziri Qraçya Rostomyan (“Çiçəklənən Ermənistan”)

Kənd təsərrüfatı naziri Artur Xaçatryan (“Çiçəklənən Ermənistan”)

Enerji infrastrukturları və təbii ehtiyatlar naziri Artur Qriqoryan (“Daşnaksütun”)

İqtisadi inkişaf və investisiyalar naziri Artsvik Minasyan (“Daşnaksütun”)

Qeyd edək ki, ölkənin baş naziri Nikol Paşinyan “Çiçəklənən Ermənistan” və “Daşnaksütun” partiyalarının nazir və qubernatorları işdən çıxarıldıqdan sonra istefa verəcəyini açıqlamışdı:

Məlumat üçün bildirək ki, Ermənistan parlamenti “Milli Məclisin reqlamenti haqqında” qanuna düzəlişlər edilməsi barədə qalmaqallı qanunu qəbul edib. Qanun ikinci dəfə baş nazirin seçilməsi zərurəti yarandıqda qanunverici orqanın buraxılmasına mane olmağı nəzərdə tutur.

Qərara etiraz edən minlərlə insan parlament binası qarşısında aksiya keçiriblər.

Açar sözlər:

Oxunub: 480