Ağsu dolaylarına alternativ yol çəkiləcək - 16 kilometr
15:53 04 Oktyabr 2018
Ağsu dolaylarından istifadə etmədən Şamaxıdan Ağsuya yeni avtomobil yolu tikiləcək.
Bu barədə Femida.az-a Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli məlumat verib.
Onun sözlərinə görə, yeni tikiləcək yol Bakı-Şamaxı-Yevlax yolunu birləşdirəcək: "Bakı-Şamaxı-Yevlax avtomobil yolu Ağsu dolaylarından keçir. 14 kilometr uzunluğunda olan Ağsu dolayları isə sürüşmə zonasında yerləşir. Buna görə də Bakı-Şamaxı-Yevlax avtomobil yolu Muğanlı qəsəbəsindən başqa istiqamətə çəkiləcək. Yeni tikiləcək yolun uzunluğu 16 kilometr olacaq. Həmin yol Muğanlı qəsəbəsindən başlayaraq Ağsu çayının kənarı ilə tikiləcək və birbaşa Ağsu rayonunda Bakı-Şamaxı-Yevlax yoluna birləşəcək".
A.Nəcəfli bildirib ki, hazırda ərazidə geoloji-kəşfiyyat işləri aparılır: "İşlər başa çatandan sonra yeni tikiləcək yolun layihəsi hazırlanaraq aidiyyəti qurumlara təqdim olunacaq və maliyyə ayrılandan sonra yolun tikintisinə başlanacaq. Yeni yolun tikintisinə gələn il başlanacaq".
Xatırladaq ki, Bakı-Şamaxı-Yevlax yolunun Bakıdan Şamaxıya qədər və Ağsudan Yevlaxa qədər olan hissəsi yenidən qurulub və sürücülərin istifadəsinə verilib.
Femida.az
Oxunub: 902
Oxşar xəbərlər
- Ağsuda 59 yaşlı qadın itkin düşüb
- Ağsuda "məktəbdə bomba var” deyən şəxsə cinayət işi başlanılıb
- Ağsuda 5 il əvvəlki qətlə görə tutulanların sayı 3-ə çatıb
- Ağsuda 5 il əvvəlki qətlə görə tutulanların sayı 3-ə çatıb
- Ağsuda fermada çoban qardaşını bıçaqlayıb
- Ağsuda keçmiş məhkumdan “Kalaşnikov” avtomatı və narkotik vasitə aşkarlanıb
- Ağsuda 65 yaşlı kişini avtomobil vurub
- Ağsu sakini intihar edib
- Ağsuda avtomobillər toqquşub, xəsarət alanlar var
- Ağsuda insident olub, sələmçi qardaşlar bıçaqlanıb