Metronun bu stansiyasına giriş-çıxış bağlanır
11:25 05 Oktyabr 2018
Bakı Metropoliteni QSC-nin "Bakmil" stansiyasında planlı surətdə aparılan yenidənqurma tədbirləri çərçivəsində sabahdan günün müəyyən saatlarında stansiyaya giriş-çıxış müvəqqəti olaraq qismən məhdudlaşdırılacaq.
Femida.az xəbər verir ki, sərnişinlər saat 8:20-dən saat 17:00-a qədər stansiyanın xidmətindən istifadə edə bilməyəcəklər.
"Məlumdur ki, bu məhdudiyyətlər avqustun 8-dən mərhələlərlə tətbiq edilir. Məqsəd stansiya ərazisində təmir işlərini aparan işçilərin təhlükəsizliyinin təmin edilməsidir və zərurət məhz bu tələbdən yaranıb.
"Bakı Metropoliteni"nin yeganə yerüstü stansiyası olan “Bakmil” stansiyasının uzunmüddətli istismarı dövründə köhnələrək müasir tələblərə cavab verməyən avadanlıq və qurğularının yenilənməsi, həmçinin digər infrastrukturun təmir-bərpası və yenidən qurulması günün zəruri tələbidir.
Günün qeyd edilən saatları ərzində (8:20-17:00) sərnişinlərin alternativ nəqliyyat vasitələrindən istifadə etmələri xahiş olunur. Onu da əlavə edək ki, Bakı Nəqliyyat Agentliyi ilə əldə olunmuş razılığa əsasən, "Bakmil" stansiyasına sərnişinlərin giriş-çıxışının məhdudlaşdırıldığı vaxt ərzində, "Bakmil" və "Koroğlu" stansiyaları arasında avtobus marşrut xətti fəaliyyət göstərir.
"Bakı Metropoliteni"nin rəhbərliyi müvəqqəti narahatlığa görə sərnişinlərdən üzr istəyir" - deyə məlumatda qeyd olunub.
Femida.az
Oxunub: 644
Oxşar xəbərlər
- Metronun iş rejimi "Qarabağ"a görə uzadılıb
- Metronun üç stansiyasının iş vaxtı bir saat uzadılacaq
- Metronun “8 Noyabr” stansiyası istifadəyə verildi
- Metronun açılması gözlənilmir - RƏSMİ
- Metronun infrastrukturu koronavirusla bağlı yoxlanılacaq
- Metronun fəaliyyəti dayandırıldı
- Metronun qarşısından hərəkət edəcək əlavə avtobuslar xəttə buraxılır
- Metronun fəaliyyətinin dayandırılma müddəti uzadıldı
- Metronun stansiya rəisi vəfat edib
- Metronun bu stansiyaları ikimərtəbəli olacaq