SENSASİYA: Karapetyana “Skripal işi”nə görə sui-qəsd edilib
13:26 05 Oktyabr 2018
Rusiya baş prokurorunun müavini, 1-ci dərəcəli dövlət ədliyyə müşaviri Saak Karapetyanın "AS-350" helikopterinin qəzaya uğraması nəticəsində ölməsi təsadüfi deyil. Ona qarşı sui-qəsd edilməsi ehtimalı çox böyükdür.
AzVision.az xəbər verir ki, bu barədə Rusiyanın sabiq hərbi kəşfiyyatçısı Sergey Skripalın qardaşı qızı Viktoriya Skripal “Milli Xəbər Xidməti” agentliyinə açıqlamasında bildirib. Onun sözlərinə görə, “Skripalların işi” ilə məşğul olan Karapetyanın ölümü Solsberidəki zəhərlənmə ilə əlaqəlidir.
“Mən təsadüflərə inanmıram. Əvvəlcə biz avtomobil qəzasına düşürük. Üstündən düz bir həftə keçir və indi də bu hadisə... Belə şeylər də ola bilər”, – Viktoriya deyib.
Karapetyanın fəaliyyətinə yaxından bələd olan mənbə “İnterfax”a bildirib ki, o, 2016-cı ildə baş prokurorun müavini təyin edildikdən sonra ən qalmaqallı cinayət işlərinə, o cümlədən də, “Skripalların işi”nə birbaşa nəzarəti həyata keçirib. Xüsusən də, Solsberidəki zəhərlənmə hadisəsilə bağlı Böyük Britaniya hökuməti və xüsusi xidmət orqanlarına sorğular hazırlamaqla məşğul olub.
Qeyd edək ki, Rusiya baş prokurorunun erməni əsilli müavini Saak Karapetyan oktyabrın 3-ü axşam saatlarında Kostroma əyalətinin Vonşevo kəndində "AS-350" helikopterinin yerə çırpılması nəticəsində ölüb. Onunla yanaşı, helikopterdə olan daha 2 nəfər – kəndin erməni sakini Arek Aratyunyan və pilot Mixnov da ölüblər. İnsidentlə bağlı cinayət işi açılıb. Məlum olub ki, Karapetyanın olduğu "AS-350" helikopteri icazəsiz uçuş həyata keçirib.
Onu da xatırladaq ki, martın 5-də Rusiyanın sabiq hərbi kəşfiyyatçısı olmuş, lakin daha sonra Britaniya xüsusi xidmət orqanlarına casusluqda günahlandırılan Sergey Skripal və qızı Britaniyanın Solsberi şəhərində Noviçok kimyəvi maddəsindən zəhərlənərək beyin iflici keçiriblər. Diplomatik qalmaqala səbəb olan hadisəni sui-qəsd adlandıran London baş verənlərdə Rusiyanın, konkret olaraq isə prezident Vladimir Putinin əlinin olduğunu iddia edib. Kreml isə ittihamları rədd edib. Britaniya hadisə ilə əlaqədar 23 rusiyalı diplomatı ölkədən çıxarıb. Analoji cavab tədbirləri görən Moskva isə Sankt-Peterburqdakı Britaniya baş konsulluğunu bağlamaq və Rusiyada 20 ildən artıq fəaliyyət göstərən “Britaniya Şurası” ictimai təşkilatının işini dayandırmaq qərarına gəlib.
Oxunub: 1041
Oxşar xəbərlər
- Ukrayna Baş Qərargahı: “Rusiyanın daha 45 qanadlı raketi, 4 helikopteri vurulub”
- Zelenski: “Bir ayda Ukrayna ordusu İran istehsallı 233 “Şahed” PUA-sını məhv edib”
- Ceyhun Bayramov: “Müstəqilliyimizə dəstəyə görə qardaş Özbəkistana minnətdarıq”
- Nazirlik nümayəndəsi: “İndiyədək Xocavənddə 25 nəfərin meyitinin qalıqları aşkarlanıb”
- Ukrayna Baş Qərargahı: "Son sutkada Rusiyanın 44 tankı məhv edilib"
- BNA: "147 avtobusun hərəkət intervalında gecikmə var"
- Xanlar Vəliyev: “Ötən 8 ayda qeydə alınmış cinayətlərin 99 faizi açılıb”
- DİN: "Razılaşdırılmamış aksiyanın qarşısı alınacaq"
- Heydər Məmmədov: "Prokurorluqda israfçılığa yol verilməməsi üçün bir çox işlər görülüb"
- Azərbaycan XİN: "Ermənistan bölgədə vəziyyəti gərginləşdirmək istəyir"