Vüqar Talıbov olimpiadada Azərbaycanın ilk medalını təmin edib
21:58 07 Oktyabr 2018
Argentinanın paytaxtı Buenos-Ayresdə keçirilən Yeniyetmələrin III Yay Olimpiya Oyunlarında Azərbaycan milli komandası ilk medalını təmin edib.
Femida.az bildirir ki, həmin medalı cüdoçu Vüqar Talıbov 66 kq çəki dərəcəsində finala yüksəlməklə əldə edib.
On beş yaşlı idmançı ilk görüşündə yəmənli Əhəd əl-Sağırı, 1/4 finalda tacikistanlı Camşed Süleymonini, yarımfinalda isə dominikanlı Antonio Tornalı üstələyib. Finalda onun rəqibi rusiyalı Abrek Naquçev olacaq. Bu görüşün nəticəsindən asılı olmayaraq, Talıbov ən azı gümüş medalı özünə təmin edib.
Azərbaycanın qadın cüdoçusu Vüsalə Kərimova isə 7-ci yeri tutub. 44 kq çəkidə yer alan Kərimova ilk görüşündə bolqarıstanlı Aleksa Georgiyevaya 22 saniyəyə ipponla qalib gəlsə də, 1/4 finalda xorvatiyalı Viktoriya Pulyiçə uduzub. O, bürünc medal uğrunda ilk təsəlliverici görüşdə butanlı Yanqçen Vanqmonu 28 saniyəyə ipponla üstələyib. Lakin növbəti qarşılaşmada yeniyetmə cüdoçunun qarşısını kosovolu Erza Muminoviç kəsib.
Qeyd edək ki, olimpiadada Azərbaycanı ümumilikdə 17 idmançı təmsil edir.
Oxunub: 469
Oxşar xəbərlər
- Vüqar Səfərli kassasiya şikayəti verib
- Vüqar Səfərli müalicə müəssəsinə köçürülüb
- Vüqar Səfərlinin vəsatətləri təmin edilməyib
- Vüqar Səfərli Əli Həsənov və oğlu ilə bağlı məhkəməyə şikayət edib
- Vüqar Səfərlinin əmlakı müsadirə edilib
- Vüqar Səfərli 10 il 6 ay müddətinə azadlıqdan məhrum edilib
- Vüqar Səfərlinin məhkəməsi təxirə salınıb
- Vüqar Səfərlinin məhkəməsində mübahisə olub
- Vüqar Səfərlinin məhkəməsində ittiham aktı elan olunub
- Vüqar Səfərlinin məhkəməsi keçirilir