Dünyada 56 jurnalist öldürülüb
17:39 11 Oktyabr 2018
2018-ci ilin ilk 9 ayı ərzində dünyada 56 jurnalist peşəkar fəaliyyətinə görə öldürülüb.
Femida.az "İnterfaks"a istinadən xəbər verir ki, bu barədə "Sərhədsiz reportyorlar" beynəlxalq təşkilatında nəşr olunan hesabatda deyilir.
Beləliklə, bu göstərici artıq indidən 55 nəfərin öldürüldüyü 2017-ci ildəki rəqəmdən çoxdur.
Təşkilatın məlumatında 2018-ci ilin əvvəlindən etibarən öldürülənlərin yarıdan çoxunun hərbi münaqişə zonalarında qətlə yetirildikləri qeyd olunur. Jurnalistlər daha çox Əfqanıstanda (13 nəfər), Yəməndə (5 nəfər), ABŞ-da (6 nəfər) və Meksikada (6 nəfər) öldürülüb.
"Sərhədsiz reportyorlar" beynəlxalq təşkilatının baş katibi Kristof Deluarın sözlərinə görə, statistikalar jurnalistlərin qorunması üçün tədbirlər görülməsinin zəruriliyini göstərir.
O, bu təşəbbüsün dünya miqyasında daha çox hökumət və yüzdən çox KİV, təşkilat və jurnalistlər ittifaqı tərəfindən dəstəkləndiyi üçün BMT baş katibinin sırf bu məsələ ilə məşğul olacaq xüsusi nümayəndəsi vəzifəsinin yaradılmasına dair çağırış edib.
Oxunub: 403
Oxşar xəbərlər
- Azərbaycan dünyada koronavirusla mübarizədə ön sıralarda qərarlaşıb
- ÜST: Dünyada meymunçiçəyinə yoluxma artır
- Dünyada koronavirus qurbanlarının sayı 6 milyon nəfəri ötüb
- Dünyada koronavirusa yoluxanların sayı 540 milyonu ötüb
- Dünyada pandemiya ilə bağlı vəziyyət daha da ağırlaşır
- Dünyada koronavirusa yoluxma sayı 490 milyonu ötüb
- Dünyada koronavirusa yoluxanların sayı 482,3 milyonu ötüb
- Dünyada koronavirusa yoluxma sayı 480 milyonu ötüb
- Dünyada koronavirusa yoluxanların sayı 470 milyonu ötüb
- Ötən il dünyada 10 milyon insan vərəmə yoluxub