Pensiyalar vaxtından əvvəl verildi
13:48 13 Oktyabr 2018
Naxçıvanda 2018-ci ilin oktyabr ayı üçün əmək pensiyalarının maliyyələşdirilməsi vaxtından əvvəl başa çatdırılıb.
Femida.az xəbər verir ki, bu barədə Naxçıvan Muxtar Respublikası Dövlət Sosial Müdafiə Fondunun məlumatında qeyd olunub.
Qeyd olunub ki, tələb olunan vəsait Fondun xəzinə hesabından yerli orqanların xəzinə hesablarına, yerlərdə məcburi dövlət sosial sigorta haqları üzrə daxilolmalar da nəzərə alınmaqla pensiyaçıların şəxsi hesablarına köçürülüb. 2018-ci ilin 9 ayı ərzində “Əmək pensiyaları haqqında” Azərbaycan Respublikasi Qanununa əsasən pensiya hüququ yaranmış 1085 vətəndaşa əmək pensiyası təyin edilib. Yeni təyin olunan pensiyaçılardan 584 nəfəri yaşa, 152 nəfəri əlilliyə, 349 nəfər isə ailə başçısının itirməyə görə əmək pensiyasına çıxmış vətəndaşlar olub.
Fond əmək pensiyaçılarına pensiyaların bankomatlardan plastik kartlarla ödənilməsini “Naxçıvanbank” Açıq Səhmdar Cəmiyyəti və Muxtar Respublikada fəaliyyət göstərən digər banklar vasitəsilə həyata keçirib. Eyni zamanda kənd yerlərində yaşayan əmək pensiyaçılarına pensiyalar yaşayış yerlərindəki poçt bölmələri vasitəsilə çatdırılıb. Hesaplama dövründə məcburi dövlət sosial sığorta ödəmələri almaq hüququ olan sığortaolunanların da plastik bankomat kart hesablarına və baratla poçt ünvanlarına müavinətlər ödənilib.
Femida.az
Oxunub: 881
Oxşar xəbərlər
- Pensiyalar ödənilir
- Pensiyalar iyulun 15-də tam ödəniləcək
- Pensiyalar sabah tam ödəniləcək
- Pensiyalar mayın 13-də tam ödəniləcək
- Pensiyaların tam ödənilməsi aprelin 15-də başa çatacaq
- Pensiyalarla bərabər sosial yardımlar da Novruz bayramına qədər ödənəcək
- Pensiyalar martın 15-də tam ödəniləcək
- Pensiyalar fevralda yenidən artırılacaq
- Pensiyalar bu tarixdə ödəniləcək
- Pensiyaların ödənişi iyunun 15-də tam yekunlaşacaq