Almaniya azərbaycanlılar üçün viza rejimini asanlaşdırır
15:01 15 Oktyabr 2018
Almaniyanın Bakıdakı səfirliyi Azərbaycan vətəndaşlarına viza verilməsi üçün “ASAN viza” sistemini tətbiq edə bilər.
İnterAz-ın xəbərinə görə, bunu Trend-ə Almaniya İqtisadiyyatının Şərq Komitəsinin rəqəmsallaşdırma üzrə İşçi qrupunun rəhbəri Ştefan Keqebayn deyib.
Ş.Keqebaynın sözlərinə görə, hazırda bu məsələ ilə bağlı Azərbaycan tərəfi ilə danışıqlar aparılır:
“Danışıqlar uğurla başa çatsa, bu, Azərbaycan vətəndaşları üçün təkcə Almaniyaya yox, Avropa İttifaqının digər ölkələrinə də viza alınması prosesini sadələşdirməyə imkan verəcək. Ümid edirəm ki, bu texnologiya öz tətbiqini tapacaq”.
İşçi qrupunun rəhbəri əlavə edib ki, Almaniya informasiya-kommunikasiya texnologiyaları sahəsində Azərbaycanla əlaqələrin inkişafında maraqlıdır:
“Gələn ilin əvvəlində biz Azərbaycan hökumətinin yüksək səviyyəli nümayəndələri ilə görüşəcəyik. Bu gün Azərbaycan iqtisadiyyatı neft-qaz sektorundan asılıdır və İKT sektoru iqtisadiyyatın şaxələndirilməsi prosesinə mühüm töhfə verə bilər”.
Qeyd edək ki, Almaniya tərəfi ilə danışıqlar “ASAN viza 2” konsepsiyası çərçivəsində aparılır. Bu, Azərbaycan vətəndaşlarına xarici ölkələrə getmək üçün viza verilməsinin “ASAN viza” platforması vasitəsilə sadələşdirilməsini nəzərdə tutur.
Femida.az
Oxunub: 417
Oxşar xəbərlər
- Belçika iyulun 1-dən Rusiyaya vizaların verilməsini dayandıracaq
- Zelenski: "Ukrayna Rusiya ilə viza rejimi tətbiq edəcək"
- Putin Aİ vətəndaşları üçün viza güzəştlərinin ləğvi barədə qanun imzalayıb
- “Almaniya vizası” adı ilə vətəndaşları aldadan kimdir – ŞİKAYƏT
- Bolqarıstan azərbaycanlıların Ukraynanı tərk etməsini nəzərə alaraq viza tələbini ləğv edib
- Azərbaycanla Serbiya arasında viza rejimi ləğv edilib
- Azərbaycan və Serbiya arasında viza rejimi ləğv olunur
- Azərbaycanla Qətər arasında viza rejimi ləğv olunur
- Azərbaycana turist kimi gələn əcnəbilər turizm vizası alacaqlar
- ABŞ vizası vədini verən şəxs 17 minlik dələduzluq edib