Ermənistan polisi Azərbaycanla sərhəddə xidmət etmək istəmir

Ermənistan polisi Azərbaycanla sərhəddə xidmət etmək istəmir


12:19     17 Oktyabr 2018 2018/10/ermeni-polis_1539764534.jpg

Ermənistanda Daxili Qoşunların polisləri Azərbaycan-Ermənistan sərhədində xidmət etmək istəmir.


Femida.az “Report” istinadən xəbər verir ki, bu barədə məlumatı Ermənistanda çıxan “Hrapark” (“Meydan”) qəzeti yayıb.

Bildirilib ki, Ermənistanın Baş naziri Nikol Paşinyan bu ilin avqustunda polis əməkdaşlarının Azərbaycan-Ermənistan sərhədində 15 gün xidmət etməsi haqqında qərar qəbul edib.

“Bizdə olan məlumata görə, onlarla polis əməkdaşı müqaviləni pozaraq sistemdən çıxıb. Onlar növbətçiliyə görə verilən 32 min dramdan (65 dollar) imtina edirlər”, - qəzet yazıb.

“Hrapark” vurğulayıb ki, Ermənistanın Daxili Qoşunlarında narazılıq artmaqdadır.

Qeyd edək ki, Ermənistanın Türkiyə və İranla sərhədini Rusiya Federal Təhlükəsizlik Xidmətinin Sərhəd Qoşunları, Gürcüstanla sərhədini Milli Təhlükəsizlik Xidməti, Azərbaycan Respublikası ilə dövlət sərhədini isə Daxili Qoşunların polisləri qoruyur.

Femida.az

Açar sözlər:

Oxunub: 227