Bacısının ərini və qayınatasını güllələdi - Ağır cəza istənir
16:10 18 Oktyabr 2018
Bu gün Bakı Ağır Cinayətlər Məhkəməsində adam öldürməyə cəhddə təqsirləndirilən Tural Tarverdiyevin cinayət işi üzrə məhkəmə prosesi davam etdirilib.
Femida.az xəbər verir ki, hakim Rahib Salmanovun sədrliyi ilə keçirilən prosesdə məhkəmə istintaqı yekunlaşıb və dövlət ittihamçısı təqsirləndirilən şəxsə cəza istəyib.
Prokuror T.Tarverdiyevin 11 il 6 ay azadlıqdan məhrum edilməsini istəyib.
İttiham aktına əsasən, ötən ilin dekabr ayında Suraxanı rayonu, Bülbülə qəsəbəsində qəsəbə sakini Tural Tufan oğlu Tarverdiyev Sabunçu rayonu, Ramana qəsəbəsində bacısının həyat yoldaşının yaşadığı evə gəlib. O, həmin evdə yeznəsi Anar Vaqif oğlu Rəsulov və onun atası Vaqif Rəsulova ov tüfəngi ilə atəş açaraq onları öldürməyə cəhd edib. Sabunçu Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində hadisəni törədən şəxs saxlanılıb.
Qeyd edək ki, T.Tarverdiyev Cinayət Məcəlləsinin 29.120-cü (adam öldürməyə cəhd) və 157.1-ci (Azərbaycan Respublikasının qanunları ilə müəyyən edilmiş əsaslar olmadan, mənzildə yaşayanın iradəsi ziddinə mənzilə daxil olma) maddələri ilə ittiham olunur.
Femida.az
Oxunub: 683
Oxşar xəbərlər
- Bacısının doğum günündə şəhid oldu - REPORTAJ
- Bacısının boğazını kəsən şəxsin istintaqı başa çatıb - MƏHKƏMƏ
- Bacısının azyaşlı qızına təcavüz edən şəxslə bağlı - YENİ QƏRAR
- Bacısının başını kəsən biznesmen qızı yenidən azadlıqda
- Bacısının qızıllarını oğurlayan qardaş tutuldu
- Bacısının ərini bıçaqladı
- Bacısının rəfiqəsini hamamda çimərkən zorlamaq istədi - Xudatda ŞOK HADİSƏ
- Bacısının pulunu oğurlayan qadın tutuldu - YASAMALDA