Sofiya robotu ASAN könüllüsü oldu - FOTO
14:53 23 Oktyabr 2018
Dünyanın tanınmış robotu Sofiya "ASAN Xidmət" mərkəzinə gəlib. O, ASAN Xidmətə müraciət edən vətəndaşlardan rəy sorğularının alınmasında iştirak edib.
Femida.az xəbər verir ki, Sofiya robotu dünyada ilk süni intellekt humanoid robotudur. Bu robot 2015-ci ildə Hanson Robotiks şirkəti tərəfindən hazırlanıb və süni intellekt əsasında insanla ünsiyyət saxlaya, fikir mübadiləsi apara bilər. Robotun əsas fərqləndirici xüsusiyyətlərindən biri də insana məxsus 60-dan çox emosiyanı əks etdirə bilməsidir. Sofiya robotu bu günə qədər dünyada bir çox məşhur simalar, prezidentlər, məşhur aktyorlar və beynəlxalq təşkilatların rəhbər şəxsləri ilə görüşüb, tanınmış televiziya kanallarında, xəbər proqramları və teledebatlarda iştirak edib.
Sofiya robotu ölkəmizdə ilk dəfə olaraq 22 oktyabrda İmişli "ASAN Həyat" kompleksinin açılışı zamanı Azərbaycan Respublikasının Prezidenti İlham Əliyevə təqdim olunub.
"ASAN Xidmət" modeli ilə tanış olan Sofiya onun rahat, çox müasir və vətəndaşyönümlü olduğunu vurğulayıb. Onun nüfuzundan istifadə edərək keçirəcəyi görüşlərdə, beynəlxalq tədbirlərdə bu modeli təbliğ etməsi ilə bağlı danışıqlar aparılır.
Amin Nəzərli
Femida.az
Oxunub: 1912
Oxşar xəbərlər
- Robot Sofiyanın balaca bacısı yaradılıb - VİDEO
- Azərbaycan nümayəndə heyəti Sofiyaya yollandı
- "Azərbaycan məni valeh edib" - Robot Bakıda jurnalistlərə açıqlama verdi
- İlham Əliyevin robot “Sofiya” ilə belə söhbət etdi - VİDEO
- Sabah Bakı-Sofiya marşrutu ilə birinci aviareys təşkil ediləcək
- Sofiyada Novruz bayramı qeyd olunub