Azərbaycanda tanınmış vəkilin maşınına basqın oldu - FOTOLAR
11:48 30 Oktyabr 2018
Azərbaycan Vəkillər Kollegiyasının üzvünün maşınına hücum olunub. Femida.az -ın verdiyi məlumata görə, bu barədə vəkil Asif Abdullayev özü məlumat yayıb.
O bildirib ki, oktyabrın 28-də naməlum şəxs avtomobilinin şüşəsini qıraraq içəri daxil olub, amma heç nə götürməyib: “Salonda ümumilikdə 84 manat və 45 lari pul, mobil telefon, bahalı eynək, ətir və bir sıra digər şəxsi əşyalarım var idi.
Hadisədən sonra avtomobilin salonunda əşyalar dağınıq halda idi. Bəzi sənədlər iki hissəyə parçalanmışdı. Avtomobilimin park edildiyi ərazidə təxminən 15-20 maşın var idi və bəlkə də ən ucuzu mənimkidir. Salonda da heç bir cəlbedici əşya olmayıb. Buna baxmayaraq, naməlum şəxs yalnız mənim avtomobilimə daxil olub.
Bir müddət əvvəl də buna oxşar hadisə baş vermişdi. Avtomobilimin bir güzgüsü sındırılaraq yararsız hala salınmışdı, digəri isə ümumiyyətlə hadisə yerində yox idi. Bəlkə də kimsə bu yolla mənə hədə-qorxu gəlməyə çalışır”.
A.Abdullayev qeyd edib ki, hadisə barədə DİN-in 102 xidmətinə məlumat verib, 25-ci Polis Bölməsi tərəfindən araşdırma aparılır.
Oxunub: 534
Oxşar xəbərlər
- Azərbaycanda hərbi xidmətə növbəti çağırış başlayıb
- Azərbaycanda qızlar niyə yoxa çıxır? - Görün hardan tapılırlar
- Azərbaycanda hibrid avtomobillərin idxal və satışı daha 1 il vergidən azad ediləcək
- Azərbaycanda bu şəxslərə yardımlar veriləcək - 5 il müddətinə - VİDEO
- Azərbaycanda son sutkada 710 nəfər koronavirusa yoluxub
- Azərbaycanda son sutkada 563 nəfər koronavirusa yoluxub, 1 nəfər ölüb
- Azərbaycanda avtomobillərin icbari sığortalanması qaydaları dəyişib
- Azərbaycanda meyit donorun anonimliyini qorumayanlar cərimələnəcək
- Azərbaycanda son sutkada 102 nəfər koronavirusa yoluxub, ölən olmayıb
- Azərbaycanda koronavirusa sutkalıq yoluxma sayı 400 nəfəri keçib