"Deputatdan həmkarlarına irad: "İllərlə çıxış etmirlər"
17:18 30 Oktyabr 2018
"Azərbaycan Respublikası Milli Məclisi deputatının etik davranış qaydaları haqqında" qanuna dəyişikliklərin forması, mahiyyəti ona bənzəyir ki, Milli Məclis seçkili deyil, təyinatlı orqandır. Təyinatlı bir orqanda orqanın rəhbəri necə əmr verib, işçisini cəzalandıra bilirsə, faktiki forma odur”.
Azvision.az xəbər verir ki, bunu Milli Məclisin bu gün keçirilən plenar iclasında deputat Musa Quliyev deyib.
M.Quliyev qeyd edib ki, Milli Məclis xalqın seçdiyi bir orqandır:
“Dəyişikliyi oxuyanda elə başa düşülür ki, bunu deputat yazmayıb, kimsə deputatlara qarşı yazıb. Bəzən deyirlər ki, deputatlara hörmət edilmir. Deputatlara hörmət edilməmək elə buradan görünür. Parlamentin İntizam komissiyasının qərarı ilə deputat mandatdan məhrum edilir. Onun seçən 40 min insandan soruşmurlar ki, sənin seçdiyin şəxsi mandatdan məhrum edirik. Əvvəlki qaydalarda bu, Milli Məclisin müzakirəsinə çıxarılırdı. Niyə indi elə deyil? Ona görə müzakirəyə çıxarılmır ki, İntizam komissiyasının 9 üzvünə tapşırıq vermək asandır, nəinki 125 nəfərə? Bunu pis niyyətlə demirəm. Yaxşı olar ki, bu, beynəlxalq ekspertizaya verilsin, onların rəyi alınsın.
Milli Məclisin işini yaxşılaşdırmaq istəyiriksə, müzakirələrə daha çox imkan yaradılmalıdır. Hər kəsə hörmətim var, amma deputatlar var ki, aylarla, illərlə parlamentdə çıxış etmirlər, seçicini təmsil etmirlər, biz buna bir söz demirik, amma deputatın iclasda 3 dəfə iştirak etməməsinə mandatı alınır...İllərlə iclaslarda olsun, çıxış etməsin, fəaliyyət göstərməsin, təklif verməsin, qanun yazmasın-bu zərərlidir, yoxsa bir ayda iclasda 2 dəfə iştirak etməmək? Biz deputatların statusunu artırmaq barədə düşünməliyik". (azvision.az)
Femida.az
Oxunub: 1104
Oxşar xəbərlər
- Deputatdan qiymət artımına etiraz
- Deputatdan qiymət artımına etiraz: "Hər kəs onlar kimi yaşamır"
- Deputatdan ictimai nəqliyyatın yükünün azaldılması ilə bağlı təklif
- Deputatdan oğlunun tutulması xəbərinə reaksiya
- Deputatdan xəstəxanalarla bağlı təklif
- Deputatdan Tolikə etiraz: "Bu, tərbiyyəsizlikdir"
- Deputatdan elektrik böhranı ilə bağlı AÇIQLAMA: Ziyanın dəyəri...
- Deputatdan narazılıq: "Bizdə benzin niyə bahadır?"
- Deputatdan nazirə: “Sahibkarları incitməyin...”