Aztəminatlı ailələr üçün meyvə bağları salınıb
13:46 31 Oktyabr 2018
IDEA İctimai Birliyi, Ekologiya və Təbii Sərvətlər Nazirliyi və BMT-nin Ərzaq və Kənd Təsərrüfatı Təşkilatının (FAO) birgə təşəbbüsü ilə oktyabrın 30-da Lerik rayonunda aztəminatlı ailələr üçün meyvə bağları salınıb.
Birlikdən Femida.az-a verilən məlumata görə, ağacəkmə aksiyaları zamanı Lerik rayonunda ayrılan 2 hektar ərazidə 312 ədəd qoz ağacı əkilib. Salınan meyvə bağları Lerik rayonunda yaşayan aztəminatlı ailələr arasında bölünərək, onların təmənnasız istifadəsinə verilib. Aztəminatlı ailələr bu meyvə bağlarına qulluq edib onlardan məhsul alaraq gəlir əldə etmək və maddi rifahlarını yaxşılaşdırmaq imkanı qazanacaqlar.
Meyvə ağaclarının əkilməsi üzrə pilot layihəyə Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri, BMT-nin Ərzaq və Kənd Təsərrüfatı Təşkilatının (FAO) xoşməramlı səfiri Leyla Əliyevanın təşəbbüsü ilə 2017-ci ilin aprel ayında başlanıb. Layihə çərçivəsində ilk meyvə bağı İsmayıllı, daha sonra isə Şəmkir, Ağstafa, Tovuz, Ağdaş, Qax, Lənkəran, Beyləqan, Sabirabad, Ağcabədi və Bərdə rayonlarında salınaraq aztəminatlı ailələr, o cümlədən Qarabağ müharibəsi veteranı və şəhid ailələrinin istifadəsinə verilib.
Layihənin sosial-iqtisadi əhəmiyyəti ondan ibarətdir ki, bu cür bağların salınması əhalinin rifahının yaxşılaşdırılması ilə yanaşı, ölkəmizin kənd təsərrüfatı mallarının idxalından asılılığının azaldılmasına da töhfə verəcək.
Layihə çərçivəsində fındıq, nar, ərik, feyxoa, xurma, qoz, alma növlərindən olmaqla ümumilikdə 15 000-ə yaxın meyvə ağacları əkilib və 41 aztəminatlı ailə meyvə bağları ilə təmin edilib.
Aztəminatlı ailələr üçün meyvə bağlarının salınması layihəsi çərçivəsində ağacəkmə aksiyaları oktyabr-noyabr ayları ərzində Quba, İmişli, Qazax, Qəbələ və Göygöl rayonlarında, gələcəkdə isə ölkənin digər rayonlarında da təşkil ediləcək.
Qeyd edək ki, Lerik rayonunda meyvə bağlarının salınması üzrə təşkil edilən aksiyaya ümumilikdə 200 nəfərdən çox yerli gənc könüllü olaraq qoşulub. IDEA ətraf mühitə laqeyd qalmayaraq, aksiyada iştirak etmiş bütün könüllülərə və tədbirin keçirilməsinə dəstək vermiş qurumlara təşəkkürünü bildirir.
Femida.az
Oxunub: 1353
Oxşar xəbərlər
- Aztəminatlı insanların dövlət hesabına vəkillə təmini üçün yeni mexanizm hazırlanacaq
- Aztəminatlı gənclərə yaşayış sahələri veriləcək
- Aztəminatlı ailələr üçün meyvə bağları salınıb
- Aztəminatlı ailələrin şagirdləri Heydər Əliyev Fondu tərəfindən məktəb ləvazimatları ilə təmin olunacaq
- Aztəminatlı ailələr üçün meyvə bağları salınıb
- Aztəminatlı ailələrə birdəfəlik yardım ediləcək
- Aztəminatlı ailələr üçün meyvə bağları salınıb
- Aztəminatlı ailələrin birinci sinif şagirdlərinə məktəb ləvazimatları verildi
- Aztəminatlı tələbələrin yataqxana xərcləri ilə bağlı YENİ XƏBƏR
- Aztəminatlı ailələrə Şad xəbər - Tələbə övladınız varsa...