Bu il 194 min tona yaxın pambıq yığılıb
14:07 05 Noyabr 2018
Azərbaycanda yeni mövsümdə sahələrdən 193892 ton pambıq yığılıb.
Kənd Təsərrüfatı Nazirliyindən Femida.az-a verilən məlumata görə, sahələrdə orta məhsuldarlıq 14,6 sentner təşkil edir. Yığılan pambığın 108641 tonu MKT İstehsalat Kommersiya MMC-nin, 43880 tonu “Azərpambıq ASK” MMC-nin 25936 tonu “P-Agro” MMC-nin, 9960 tonu “Aqro-Az MMC” və “Goran Cotton” MMC-nin, 5474 tonu isə fərdi əkinlərin payına düşür.
Bu günədək ən çox pambıq Saatlı (25857 ton), Bərdə (20472 ton) və Ağcabədi (20227 ton) rayonlarında yığılıb. Ümumilikdə 2018-ci ildə Azərbaycanın 22 bölgəsində pambıq əkilib. Ən yüksək məhsuldarlıq Samux (21,77 ha/s), Bərdə (21,26 ha/s), Tərtər (20,59 ha/s) və Ağcabədi (20,34 ha/s) rayonlarında qeydə alınıb. Noyabrın 3-də gündəlik yığım həcminə görə Bərdə rayonu lider olub - 351 ton. Sonrakı yerləri Beyləqan (349 ton), Saatlı (336 ton), Biləsuvar (335 ton) Ağcabədi (303 ton) rayonları tutur.
Qeyd edək ki, bu il 132 min hektardan artıq ərazidə pambıq əkilib. 2018-ci ildə sahələrdən ümumilikdə 260 min ton pambıq yığılacağı proqnozlaşdırılır.
Femida.az
Oxunub: 513
Oxşar xəbərlər
- Azərbaycan pambıq ixracından qazancını 2 dəfədən çox artırıb
- Ağdamın keçmiş təmas xəttinin yanındakı kəndlərdə pambıq yığımı başlayıb
- Prokurorluq pambıq zavodunun vurulması ilə bağlı məlumat yaydı
- Pambıq sahəsində top mərmisi tapılıb (FOTO)
- Azərbaycanın pambıq lifi və ipliyinin ixracı artıb
- İlham Əliyev: “Pambıq yığımında rekord göstəriciyə nail olmuşuq”
- Bu il Azərbaycanda pambıq yığımında rekord vurulacaq
- Azərbaycanda bu il 183 min tondan artıq pambıq təhvil verilib
- Ölkədə yığılan pambığın miqdarı 130 min tonu keçdi
- Sabirabadda pambıq tayası yanıb