Gələn il əhalinin gəlirləri artacaq
11:50 08 Noyabr 2018
Gələn il Azərbaycanda əhalinin gəlirləri 9 faiz artaraq 54,4 milyard manata çatacaq.
Femida.az-ın məlumatına görə, bunu əmək və əhalinin sosial müdafiə nazirinin müavini İdris İsayev Milli Məclisin Əmək və sosial siyasət komitəsinin iclasında deyib.
Nazir müavini bildirib ki, növbəti ildə ölkədə orta aylıq əməkhaqqı 5,7 faiz artaraq 642 manata çatacaq. 2019-cu ildə inflyasiya 3,8 faiz səviyyəsində nəzərdə tutulur:
"Pensiyaçıların sayı 1 milyon 294 min təşkil edəcək. Bunun 58,3 faizi yaşa görə, 30,8 faizi əlilliyə görə, 10,9 faizi isə ailə başçısını itirməyə görə pensiya alanlardır”.
İ.İsayev qeyd edib ki, Azərbaycanda sosial xərclər azaldılmayıb, əksinə, artırılıb, növbəti ilin dövlət büdcəsi də sosialyönümlüdür.
Nazir müavini deyib ki, cari ilin 10 ayında muzdla işləyənlərin sayı 1 milyon 540 min nəfər olub, 3,3 milyon nəfər isə sərbəst məşğul olanlardır: “Bu ilin 10 ayı ərzində Dövlət Sosial Müdafiə Fondunun gəliri 3 milyard 187 milyon manat təşkil edib. Bu, əvvəlki ilin müvafiq dövrünə nisbətən 9,7 faiz artım deməkdir”.
O vurğulayıb ki, ölkədə demoqrafik göstəricilər müsbətdir, əhali cavandır. 15-64 yaş arasında olan əhali 71 faiz təşkil edir. 65 yaşdan yuxarı olan əhali isə növbəti ildə 6,3 faiz təşkil edəcək:
“Qeyd edim ki, əmək qabiliyyətli əhali bizim üçün əhəmiyyət kəsb edir, çünki əmək qabiliyyətli əhali işləyən əhali deməkdir. İşləyən əhalinin sayı nə qədər çox olacaqsa, pensiya sisteminin maliyyə dayanıqlığı da daha möhkəm olacaq. Çünki ödənilən sosial sığorta haqları bu insanlardan asılıdır. Növbəti ildə məşğul əhalinin 5 milyona çatacağı qeyd olunur. Ümumilikdə gələn il əhalinin gəlirləri 9 faiz artaraq 54, 4 milyard manata çatacaq. Bu da müsbət göstəricidir”.
Femida.az
Oxunub: 556
Oxşar xəbərlər
- Gələn aydan hansı həkimlərin maaşlarının artırılacağı məlum olub - SİYAHI
- Gələn ay bayramlarla əlaqədar 5 qeyri-iş günü olacaq
- Gələn aydan Bakı-Şarm Əl-Şeyx reysi açılır
- Gələn ay Azərbaycanda 9 gün iş olmayacaq
- Gələn həftə şagirdlərin yerdəyişməsi dayandırılacaq
- Gələn il faiz dəhlizi parametrlərinə dair qəbul ediləcək qərarların qrafiki açıqlanıb
- Gələn il maaş, pensiya və təqaüdlərin nə qədər artacağı məlum olub
- Gələn ildən şəhid övladları Türkiyədə təhsil ala biləcəklər
- Gələn il maaş, pensiya və təqaüdlərin nə qədər artacağı məlum olub
- Gələn ilin Novruz, Ramazan və Qurban bayramı günləri açıqlanıb