Azərbaycanda vəkillərə bu qadağa var - Hüquqi yardım
13:57 15 Noyabr 2018
Femida.az vətəndaşlara hüquqi yardım layihəsini davam etdirir. Bu dəfə təqdim etdiyimiz mövzu vəkillərin dövlət qulluğunda vəzifə tutması ilə bağlıdır.Qanunvericilikdə bununla bağlı hansı qadağalar mövcuddur? Vəkil dövlət qulluğunda vəzifə tuta bilərmi?
Mövzu ilə bağlı Femida.az -a açıqlama verən vəkil Sadiq Əfəndiyev bildirib ki, bununla bağlı qanunvericilikdə konkret cavab mövcuddur.
"Hazırda qüvvədə olan qanunvericilikdə dövlət qulluğu və vəkillik fəaliyyəti bir araya sığmayan fəaliyyət kimi nəzərdən keçirilir. Başqa sözlə, qanunvericlik şəxsin eyni zamanda həm dövlət qulluğu fəaliyyətini, həm də vəkillik fəaliyyətini həyata keçirməsini məqbul hesab etmir.
Belə ki, Vəkillər və vəkillik fəaliyyəti haqqında Azərbaycan Respublikası Qanununun 8-ci maddəsinə görə dövlət qulluğunda çalışan şəxslər yalnız tutduqları vəzifədən azad edildikdən və bu Qanunla müəyyən edilmiş qaydada vəkil statusu əldə etdikdən sonra vəkillik fəaliyyəti ilə məşğul ola bilərlər. Vəkil dövlət qulluğuna qəbul edildikdə onun vəkillik fəaliyyəti dövlət qulluğundan azad olunanadək dayandırılır.
Göründüyü kimi, qanunvericilikdə nə dövlət qulluqçusuna dövlət qulluğunda olduğu müddətdə, nə də vəkilə dövlət qulluğuna qəbul edildikdən sonra vəkillik fəaliyyəti ilə məşğul olmağa icazə verilir."
Miri Məcidli
Femida.az
Oxunub: 3558
Oxşar xəbərlər
- 9-cu sinif şagirdini hansı cəza gözləyir? - Vəkil Sadiq Əfəndiyevdən açıqlama
- Vilyam Hacıyevin vəkili təkrar ekspertizanın keçirilməsini istəyir
- Tanınmış vəkil: "Polis şöbəsində zorakılığa məruz qaldım"
- Azərbaycanda qadın vəkillərin sayı açıqlanıb
- Millət Vəkili sensasion korrupsiya faktını AÇIQLADI- VİDEO
- Vəkil arvadını güllələyən polisin məhkəməsində tərkibin dəyişdirilməsini istəyib
- Vəkillər Kollegiyasının sədri vəkilliklə bağlı qanuna dəyişikliyin olunmasını təklif edir
- Azərbaycanda vəkil və müstəntiqlər üçün yeni müayinə məntəqəsi yaradılıb
- Şair Əli Vəkil vəfat edib
- Vəkillər "İdeal”ın həbsdə olan keçmiş rəhbərinə bəraət istəyiblər