Kaşoqinin parçalanmış cəsədi Türkiyədən çıxarılıb - ŞOK

Kaşoqinin parçalanmış cəsədi Türkiyədən çıxarılıb - ŞOK


20:55     18 Noyabr 2018 18_11_18_1542560461.jpg

Səudiyyəli jurnalist Camal Kaşoqinin qətlində ittiham olunan 15 nəfər hadisədən bir neçə saat sonra Türkiyəni tərk edib.

Femida.az xəbər verir ki, bunu Türkiyənin müdafiə naziri Hülusi Akar bildirib. Onun fikrincə, həmin şəxslər diplomatik toxunulmazlıqdan istifadə edərək jurnalistin hissələrə parçalanmış cəsədini ölkədən çıxara bilərlər.

“Ola bilsin ki, Kaşoqinin doğranmış cəsədi çemodanlarla ölkədən çıxarılıb”, - nazir qeyd edib.





Xatırladaq ki, oktyabrın 2-də “The Washington Post” qəzetinin səudiyyəli jurnalisti, ailə qurmağa hazırlaşan Camal Kaşoqi sənəd əldə etmək üçün Səudiyyənin İstanbuldakı baş konsulluğuna gedib. Onunla birgə gedən nişanlısını konsulluğun binasına buraxmayıblar və 5 saatdan sonra deyiblər ki, Camal artıq konsulluqdan gedib. Lakin nişanlısı buna inanmayıb və konsulluğa daxil olduğu andan Camalın yoxa çıxdığını deyib.

Nəhayət, 18 gündən sonra Səudiyyə Ərəbistanının baş prokuroru Saud əl-Muacib jurnalist Camal Kaşoqinin İstanbuldakı konsulluqda yaranmış münaqişə nəticəsində öldüyünü təsdiqləyib. Rəsmi məlumata əsasən, Camal Kaşoqi konsulluqda olarkən, orada bir neçə nəfər arasında münaqişə yaranıb və dava jurnalistin ölümünə səbəb olub. Qətldə şübhəli bilinən 18 nəfər istintaqa cəlb olunub.

Açar sözlər:

Oxunub: 1226