Metroda oğurluq edən şəxslər saxlanılıblar
11:53 20 Noyabr 2018
Bakı Şəhər Baş Polis İdarəsinin Metropolitendə Polis Şöbəsinin əməkdaşları tərəfindən metro stansiyalarında, tuneldə hərəkətdə olan qatarlarda cinayətkarlığa qarşı mübarizə tədbirləri qətiyyətlə davam etdirilir. Polis əməkdaşlarının operativliyi və ayıq-sayıqlığı sayəsində ictimai nəqliyyatda soyğunçuluq və oğurluq etməkdə şübhəli bilinən şəxslər yaxalanıblar.
DİN-nin mətbuat xidmətindən Femida.az-a verilən məlumata görə, noyabrın 19-da saat 9 radələrində metronun “Koroğlu” stansiyasının platformasında naməlum şəxs Saatlı rayon sakini G.Həsənovanın çantasından içərisində pulu, şəxsiyyət vəsiqəsi və tələbə bileti olan pulqabısını açıq talama yolu ilə aparıb.
Dərhal görülmüş tədbirlərlə soyğunçuluğu törətməkdə şübhəli bilinən Bakı şəhər sakini Orxan Məcidov Metropolitendə Polis Şöbəsinin əməkdaşları tərəfindən saxlanılıb.
Noyabrın 14-də metronun “Əhmədli” stansiyasında Bakı şəhər sakini A.Hacıyevanın çantasından mobil telefonunun oğurlanması barədə daxil olmuş müraciətlə əlaqədar keçirilmiş əməliyyat-axtarış tədbirləri nəticəsində oğurluğu törətməkdə şübhəli bilinən şəxs qısa müddətdə müəyyən edilərək Metropolitendə Polis Şöbəsinin əməkdaşları tərəfindən saxlanılıb. Araşdırmalarla onun Bakı şəhər sakini, əvvəllər narkotiklə əlaqəli cinayətə görə məhkum olunmuş Emin Səlimov olduğu müəyyən edilib.
Hər iki faktla bağlı araşdırma aparılır.
Femida.az
Oxunub: 407
Oxşar xəbərlər
- Metroda küt alətlə insanları hədələyən şəxs saxlanılıb
- Metrodakı yoxlanışlar nədən xəbər verir?
- Metroda qatarın hərəkəti ləngiyib
- Metroda "Sizinlə qürür duyuruq" layihəsi davam edir - FOTOLAR
- Metroda qatarların hərəkəti bərpa olunub
- Metroda daha bir koronavirus xəstəsi saxlanılıb
- Metroda aktiv koronavirus xəstəsi saxlanılıb
- Metroda qatarların hərəkəti ləngiyib
- Metroda problem yarandı
- Prokurorluq: Metrodakı insidentlə bağlı istintaq başa çatıb