İşdən çıxarılan Abel Məhərrəmovdan İLK AÇIQLAMA: "Şoudan əl çəkin!"
11:52 21 Noyabr 2018
Bakı Dövlət Universitetinin (BDU) sabiq rektoru Abel Məhərrəmov barəsində yazılan xəbərlərə münasibət bildirib.
Femida.az-ın məlumatına görə, A.Məhərrəmov deyib ki, haqqında yayılan məlumatlar həqiqəti əks etdirmir.
Nə üçün işdən çıxarılması barədə suala cavabında sabiq rektor "Prezident İlham Əliyevin sərəncamı müzakirə olunmur, icra olunur", - deyə cavab verib.
“Prezident sərəncamla kimisə vəzifəyə təyin edir, vəzifədən azad edir. Bu, təbii qəbul olunmalıdır. Mən 1969-cu ildən Heydər Əliyevçi olmuşam. Bu gün də dövlətçiliyə xidmət edirəm. Mən İlham Əliyev siyasətinə xidmət edən adamam. Həyatda hər şey ola bilər. Əfsuslar olsun ki, bəzi mətbuat orqanları mənim Bakı Dövlət Universitetinin rektoru vəzifəsindən azad olunmağımı şouya çevirmək istəyirlər, bu da düzgün deyil. Ziyalılığı, milli mentalitetimizi qorumaq lazımdır. Elm zirvəsinə qalxan adamlara dəyər vermək lazımdır. Mediaya üzümü tutaraq deyirəm:
Bu şoulardan əl çəkin! Bunun heç kəsə xeyri yoxdur. Bu, milləti geri çəkmək deməkdir. Allah Prezidentimizin canını sağ eləsin. O, hər şeyə düzgün qərar verir, ona görə də sərəncamı doğru qəbul edirəm".
A.Məhərrrəmov 20 ilə yaxın BDU-nun rektoru vəzifəsində çalışdığını qeyd edib:
"Bu müddətdə şərəflə, ləyaqətlə işləmişəm. Amma indi məsləhət oldu ki, bir qədər də istirahət edim”.
Sabiq rektor oğlu, Azərbaycanın İspaniyadakı səfiri Anar Məhərrəmov barəsində yazılanlara da münasibət bildirib:
“Oğlum da mənim kimi Heydər Əliyev siyasi kursuna sədaqətlə xidmət edən adamdır. Sona qədər də belə olacaq”.
Femida.az
Oxunub: 1717
Oxşar xəbərlər
- BDU rektorunun müşavirinin ifadəsi: “O, Abel Məhərrəmovu borca görə məhkəməyə verəcəyini dedi”
- Abel Məhərrəmov haradadır?
- Abel Məhərrəmovun oğlu səfir vəzifəsindən azad edildi
- Abel Məhərrəmov və Əli Abbasov toya görə cərimələndi
- Abel Məhərrəmovun vəziyyəti pisləşdi - Reanimasiyaya yerləşdirildi
- Abel Məhərrəmovu əvəz edən şəxsin adı dəqiqləşdi - Nazirlik təsdiqlədi
- "Abel müəllimin oğlu da bizimlə idi" - Şeyx ilk dəfə yazılanlardan danışdı
- Mir Şahindən ŞOK açıqlama: "Abel Məhərrəmov və deputat bir yerdə içdi"+VİDEO
- Abel Məhərrəmov BDU-da keçmiş işinə başladı - Hər gün işə çıxır...
- Abel Məhərrəmovun 1 həftə vaxtı var