Bakıda daha bir avtobus qəzası - 3 nəfər xəstəxanalıq oldu

Bakıda daha bir avtobus qəzası - 3 nəfər xəstəxanalıq oldu


16:39     21 Noyabr 2018 18_11_21_1542804022.jpg


Bakıda marşrut avtobusu qəzaya uğrayıb.

Femida.az-ın Trend-ı istinadən məlumatına görə, hadisə aeroport yolunun Xəzər rayonu ərazisindən keçən hissəsində baş verib.

Binə qəsəbəsindən hava limanı istiqamətində 136 saylı xətt marşrutu üzrə hərəkətdə olan "Daewoo" markalı avtobusla eyni istiqamətdə olan "Opel" markalı minik avtomobili toqquşub.

Hadisə nəticəsində avtobusun sərnişinləri-1988-ci il təvəllüdlü Mirzəcanova Nigar Hüseynağa qızı, qadının 2 yaşlı oğlu Mirzəcanlı Ayaz Elgün oğlu və "Opel" markalı avtomobildə olan 1999-cu il təvəllüdlü Haşımova Aydan Haşım qızı bədənin müxtəlif dərəcəli xəsarətləri ilə 3 saylı şəhər Kliniki Xəstəxanasına yerləşdirilib.

Xəstəxanadan Trend-ə verilən məlumata görə, hazırda yaralıların vəziyyəti sabitdir. Yaralılardan N.Mirzəcanovanın burun sümüyü sınıb, A.Mirzəcanlı sifət nahiyəsindən xəsarət alıb, A.Haşımovanın isə döş qəfəsi əzilib.

Femida.az

Açar sözlər:

Oxunub: 202