Vətəndaşlara pulsuz hüquqi yardım göstərilib
20:47 24 Noyabr 2018
Prezident İlham Əliyevin 2018-ci il 22 fevral tarixli “Azərbaycan Respublikasında vəkilliyin inkişafı ilə bağlı əlavə tədbirlər haqqında” Sərəncamına əsasən, Vəkillər Kollegiyasına hüquqi məsləhətə ehtiyacı olan aztəminatlı şəxslər üçün pulsuz hüquqi xidmətlər göstərilməsinin təşkili tövsiyə edilib.
Vəkillər Kollegiyasından Femida.az-a verilən məlumata görə, tövsiyənin icrası ilə bağlı həyata keçirilən tədbirlər çərçivəsində noyabrın 24-də Azərbaycan Respublikası Vəkillər Kollegiyasının təşəbbüsü ilə Suraxanı və Qusar rayonlarında aztəminatlı əhaliyə ödənişsiz hüquqi yardım göstərilib.
Suraxanı Rayon Məhkəməsinin və rayon icra hakimiyyətinin binasında, o cümlədən Qusar rayonundakı Heydər Əliyev Mərkəzində vətəndaşlarla görüşən Vəkillər Kollegiyasının üzvləri müraciət edən vətəndaşlara müxtəlif növ hüquqi yardım göstərib, onların problemləri ilə tanış olublar. Vəkillər vətəndaşlara müvafiq məsləhətlər verib, müvafiq məsələlərlə bağlı müxtəlif dövlət və qeyri-dövlət qurumlarına ərizə və şikayətlər yazıblar.
Silsilə tədbirlərin respublikamızın digər regionlarında da keçirilməsi nəzərdə tutulub.
Femida.az
Oxunub: 787
Oxşar xəbərlər
- Vətəndaşlara qarşı dələduzluq edən saxta prokurorun məhkəməsi başlayıb
- Vətəndaşlara qarşı dələduzluq edən saxta prokuror həbs olunub
- Vətəndaşlara ŞAD XƏBƏR: Bu gündən bu sahədə ƏDV-ni geri almaq mümkün olacaq
- Vətəndaşlara külli miqdarda ziyan vuran şəxs Rusiyadan ekstradisiya olunub
- Vətəndaşlara 40 min manatadək ziyan vuran dəstə üzvləri saxlanılıb
- Vətəndaşlara DİN adından saxta SMS-lər gəlir
- Vətəndaşlara 60 min manatdan çox dələduzluq edən şəxsin məhkəməsi başlayır
- Vətəndaşlara pul yardımı ediləcəyi ilə bağlı xəbərlərə rəsmi münasibət
- Vətəndaşlara rəsmi çağırış: İrana getməyin!
- Vətəndaşlara sosial müavinət düzəltmək adı ilə aldadan şəxs saxlanıldı
