Fransada aksiyalarda 24 nəfər yaralanıb
11:03 25 Noyabr 2018
Şənbə günü Fransada davam edən "Sarı jiletlilər"in etiraz aksiyasında 5-i polis olmaqla 24 nəfər yaralanıb.
Femida.az report-a istinadən bildirir ki, etiraz aksiyasında 1619 ərazidə 106 min nəfər iştirak edib.
Gün ərzində Parisdə 42 nəfər, bütün ölkə üzrə isə 130 aksiya iştirakçısı saxlanılaraq dindirilib.
Fransa prezidenti Emmanuel Makron özünün "Twitter" səhifəsində polis əməkdaşlarına bu gün nümayiş etdirdikləri peşəkarlıqlarına görə təşəkkürünü bildirib. Ölkə başçısı polislərə, jurnalistlərə və digər vətəndaşlara qarşı aqressiv hərəkət etmiş nümayiş iştirakçılarının bu davranışlarını pisləyib. O, "respublika"da zorakılığa yer olmadığını yazıb.
Aksiya iştirakçıları tərəfindən "Midi Libre" gündəlik qəzetinin Bezye şəhərindəki yerli redaksiyasına hücum olunaraq, vandalizm hərəkətləri törədilib, qəzetin bir jurnalisti fiziki zərbələrə məruz qalıb. Bu gün hökuməti dəstəkləməkdə ittiham olunan daha bir informasiya kanalı BFMTV-nin bir qrup əməkdaşı da verbal aqressiyaya məruz qalıb.
Parisin məşhur Elize çöllərində yerləşən kommersiya məntəqələrinə də ziyanlar dəyib.
Fransanın daxili işlər naziri Kristof Kastaner jurnalistlərə bu gün aksiya zamanı xəsarət alanların sayını keçən həftəsonu ilə müqayisədə azaltmağa nail olduqlarından razı qaldığını bildirib.
Ötən həftəsonu keçirilən aksiyalar zamanı 409 nəfər yaralanıb, bir nəfər aksiya iştirakçısı maşın vurması səbəbindən həyatını dəyişib. Sarı jilet geyinmiş nümayişçilər ölkədə qiymət artımına, xüsusilə yanacağın qiymətinin və yanacağa 2019-cu ildən etibarən tətbiq ediləcək verginin artırılmasına etiraz edirlər.
Femida.az
Oxunub: 377
Oxşar xəbərlər
- Fransada “meymun çiçəyi” xəstəliyinə ilk yoluxma qeydə alınıb
- Fransada Rusiya gəmiləri sanksiyalara görə saxlanılıb
- Fransada koronavirus pandemiyasının beşinci dalğası başlayıb
- Fransada erməni və gürcülərdən ibarət cinayətkar qruplaşmanın üzvləri saxlanılıb
- Fransada turist təyyarəsi qəzaya uğrayıb, ölənlər var
- Fransada təyyarə qəzası baş verib, ölənlər var
- Fransada məscid binası təhqir olunub
- Fransadan Ermənistandakı vətəndaşlarına xəbərdarlıq
- Fransada avtomobillər yandırılıb, mağazalar talan edilib, saxlanılanlar var
- Fransadakı aksiyalarda 60-dan çox polis yaralanıb