Sürücülərin nəzərinə — Buna görə 40 manat cərimələnə bilərsiniz
17:02 26 Noyabr 2018
“Yol hərəkəti haqqında” Qanunun tələbinə əsasən, hərəkətdə olan nəqliyyat vasitəsinin dövlət qeydiyyat nişanının görünməsi üçün onun təmiz saxlanılması təmin edilməlidir.
Femida.az xəbər verir ki, bu barədə açıqlamasında Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Rüfət Quliyev bildirib.
Şöbə rəisi vurğulayıb ki, nəqliyyat vasitələrinin sürücüləri tərəfindən bu vəzifənin yerinə yetirilməməsi avtomobilin istismarı qaydalarının pozulması hesab edilir.
Hazırda qış mövsümü ilə əlaqədar küçə və yollarda çirkli su və ya palçığın yaranma ehtimalının artdığını xatırladan R.Quliyev, bu səbəbdən sürücülərin avtomobillərinin, o cümlədən onların dövlət qeydiyyat nişanlarının təmiz saxlanılmasına daha çox diqqət ayırmalarının vacibliyini xüsusilə vurğulayıb.
REKLAM
facebook.com
Daha ətraflı
Native Video by Adributor
Lakin bəzi sürücülərin havaların yağışlı, çiskinli olmasını bəhanə gətirərək avtomobillərinin dövlət qeydiyyat nişanlarını təmiz saxlamadıqlarını, hətta bilərəkdən nişanların üstünü süni şəkildə bir az da çirkləndirdiklərini təəssüf hissi ilə qeyd edən şöbə rəisi bu kimi halların yolverilməz olduğunu bildirib.
Xatırladaq ki, AR İXM-nin 342.1.7-ci maddəsinin tələbinə əsasən, hərəkətdə olan nəqliyyat vasitəsinin dövlət qeydiyyat nişanının görünməsi üçün onun təmiz saxlanılmamasına görə 40 manat məbləğində cərimə nəzərdə tutulur.
Oxunub: 2107
Oxşar xəbərlər
- Sürücülərin nəzərinə! - Bu yollar bağlıdır
- Sürücülərin nəzərinə! - BNA xəbərdarlıq etdi
- Sürücülərin bilməli olduğu vacib məlumatlar: Qəzalardan qorunmaq üçün bunlara əməl edin!
- Sürücülərin diqqətinə
- Sürücülərin DİQQƏTİNƏ!
- Sürücülərin diqqətinə
- Sürücülərin YPX maketlərinə münasibəti necədir? - VİDEO
- Sürücülərin diqqətinə! - Yol polisindən vacib xəbərdarlıq
- Sürücülərin nəzərinə - Bu yolda tıxac (FOTO)
- Sürücülərin nəzərinə!