Vəkillər Kollegiyası ilə ELSA arasında saziş imzalanıb
20:21 29 Noyabr 2018
Azərbaycan Respublikası Vəkillər Kollegiyasının Rəyasət Heyətində Avropa Hüquqşünas Tələbələr Assosiasiyasının (ELSA) Bakı ictimai birliyinin nümayəndələri ilə görüş keçirilib.
Vəkillər Kollegiyasından Femida.az -a verilən məlumata görə, kollegiyanın sədri Anar Bağırov ilə görüşdə gənc hüquqşünasların vəkil peşəsini seçməyə sövq edilməsi yolları, onların vəkil qurumlarında staj keçmələri, gələcəkdə səhnələşdirilmiş məhkəmə müsabiqələrinin keçirilməsində kollegiyanın iştirakı məsələləri müzakirə olunub.
ELSA-nın Azərbaycan nümayəndəliyinin rəhbəri Nigar Axundova təşkilatın missiyası, növbəti dövrdə həyata keçirəcəkləri tədbirlər barədə məlumat verib, Vəkillər Kollegiyasını tərəfdaşlar sırasında görmək istədiklərini bildirib.
Görüş çərçivəsində Vəkillər Kollegiyası ilə ELSA arasında əməkdaşlığa dair saziş imzalanıb.
Razılaşmaya əsasən, Vəkillər Kollegiyası birgə layihələrin, konfransların, “dəyirmi masa”ların, seminarların və müzakirələrin, məhkəmə müsabiqələrinin, hüquq məktəblərinin keçirilməsi, ELSA üzvlərinin vəkil qurumlarında təcrübə keçməsinə dəstək göstərəcək.
Görüşdə, həmçinin ELSA-nın baş katibi Elxan Əliyev və üzvü Murad İsmayılov da iştirak ediblər.
Oxunub: 2547
Oxşar xəbərlər
- Vəkillər "İdeal”ın həbsdə olan keçmiş rəhbərinə bəraət istəyiblər
- Vəkillər Kollegiyasının sədr müavininə ağır itki üz verib
- Vəkillər HELP Tədris Proqramı üzrə təlim kursunu başa vurdu
- Vəkillərin cərimələnməsini nəzərdə tutan qanun layihəsi müzakirə edilib
- Vəkillər Kollegiyası üçün yeni bina ayrıldı
- Vəkillər Sabirabadda şəhid ailələri və qazilərə pulsuz hüquqi yardım göstərdi
- Vəkillər Kollegiyası şəhid jurnalistlərlə bağlı 230 beynəlxalq təşkilata müraciət edib
- Vəkillər Kollegiyası Bakı Dövlət Universiteti ilə əməkdaşlığa başlayır
- Vəkillər bu məhkəməyə telefonla daxil ola biləcək
- Vəkillər Kollegiyası Rəyasət Heyətinin iclası keçirildi