Komitə sədri məcburi köçkünləri dinlədi
19:28 30 Noyabr 2018
Azərbaycan Respublikasının Prezidenti İlham Əliyevin tapşırığına əsasən, mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq, Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev noyabrın 30-da Quba rayonunda vətəndaşları qəbul edib.
Dövlət Komitəsindən Femida.az-a verilən məlumata görə, qəbulda Quba, Qusar, Xaçmaz, Şabran, Siyəzən rayonlarında müvəqqəti məskunlaşmış məcburi köçkünlər iştirak ediblər. Müraciətlər, əsasən mənzil, məşğulluq, vahid aylıq müavinət, statusun verilməsi və digər məsələlərlə bağlı olub. Məcburi köçkünlərin müraciətləri dinlənilib, onlara geniş izahat verilib.
Bildirilib ki, Prezident İlham Əliyev məcburi köçkünlərin yeni mənzillə təminatı, maddi rifah halının yüksəldilməsi ilə bağlı məsələləri daim diqqət mərkəzində saxlayır. Dövlətimizin başçısının bu istiqamətdə verdiyi tapşırıqlar uğurla icra edilir. Birinci vitse-prezident xanım Mehriban Əliyeva qəzalı və həyat üçün təhlükəli bina və tikililərdə, ağır şəraitdə yaşayan məcburi köçkün ailələrinin yeni mənzillərə köçürülməsinin sürətləndirilməsi üçün göstəriş verib və icrasına şəxsən nəzarət edir.
Qəbulda iştirak edən vətəndaşların müraciətlərinin bir qismi yerində həll edilib.
Dövlət Komitəsinin sədri müraciətlərdə qaldırılan məsələlərin qısa müddətdə araşdırılacağını və müvafiq tədbirlərin görüləcəyini bildirib.
Femida.az
Oxunub: 434
Oxşar xəbərlər
- Komitə sədri Qarabağda yaşayan ermənilərlə görüşlərin keçirilməsini təklif edib
- Komitə: On bir yaşlı ana və körpəsinin dövlət müəssisəsinə yerləşdirilməsinə baxılacaq
- Komitə məcburi köçkünün ev məsələsinə aydınlıq gətirdi
- Komitə sədrindən COVAX-a etiraz
- Komitə sədri onlayn vətəndaş qəbulu keçirəcək
- Komitə videokonfrans formatında dinləmə keçirəcək
- Komitə köçkünlərin qayıtması ilə bağlı açıqlama yaydı - Söylənilən fikir yanlış anlaşılıb
- Komitə dünya azərbaycanlılarına müraciət etdi
- Komitə Bərdədə qaçırılan 17 yaşlı qızla bağlı məsələni araşdırıb
- Komitə: Azərbaycanda boşanmaların sayı artıb